आबलोली ग्रामपंचायत आणि पाणलोट विकास समीतीचा स्तुत्य उपक्रम
गुहागर, ता. 12 : तालुक्यातील आबलोली गावाचे सुपुत्र आणि राष्ट्रपतींच्या हस्ते पुरस्कार प्राप्त, प्रगतशील शेतकरी सचिन कमलाकर कारेकर यांचा ग्रामपंचायत आबलोली व पाणलोट विकास समीती आबलोली यांचे वतीने गटविकास अधिकारी शेखर भिलारे यांच्या हस्ते प्रधानमंत्री कृषी सिंचन योजना पाणलोट विकास घटक – २.० पाणलोट यात्रा, “पाणलोट योद्धा” हा पुरस्कार देऊन गौरविण्यात आले. डि. एड्. कॉलेज सभागृहात आयोजित कार्यक्रमात हा गौरव करण्यात आला. Sachin Karekar gets Watershed Warrior Award
यावेळी जलसंधारण विभाग पाणलोट क्षेत्र प्रकल्प कार्यान्वित यंत्रणा निलम पालव, दिल्ली येथील भुमी संधारण विभागाच्या टेक्निकल एक्सपर्ड श्वेता नारायण, जिल्हा समन्वयक जस्मिन गार्दी, तालुका कृषी अधिकारी अमोल शिरसागर, ग्रामीण पाणी पुरवठा उपविभाग गुहागरचे उप अभियंता मंदार छत्रे, आबलोलीच्या सरपंच सौ. वैष्णवी वैभव नेटके, ग्रामपंचायत अधिकारी बाबूराव सुर्यवंशी, काजुर्ली गावच्या सरपंच मेघना मोहिते, काजुर्लीचे माजी सरपंच डॉ. आनंद जोशी, तंटामुक्ती समीती आबलोलीचे अध्यक्ष आप्पा कदम, आबलोलीच्या बचगट सीआरपी मिनल कदम, मुख्याध्यापिका नेत्रा रहाटे, उपसरपंच अक्षय पागडे आदी उपस्थित होते. Sachin Karekar gets Watershed Warrior Award
