गुहागर, ता. 31 : महाराष्ट्र नवनिर्माण सेना गुहागर मध्ये इतर पक्षातील कार्यकर्त्यांचे इनकमिंग सुरू झाले असून मनसेचे उमेदवार व गुहागर तालुका संपर्क अध्यक्ष प्रमोद गांधी यांच्या प्रमुख उपस्थितीत पक्षप्रवेश करण्यात आला. यावेळी जानवळे येथील धनंजय विखारे, तळवळी येथील अमोल आगरे, ओंकार आगरे, जितेश ताम्हणकर यांनी मनसे पक्षामध्ये प्रवेश केला. यावेळी धनंजय विखारे यांना मनसे शृंगारतळी शहर अध्यक्ष पदी नियुक्ती जाहीर करण्यात आली. Joining the party in the presence of Gandhi
यावेळी बोलताना प्रमोद गांधी यांनी सांगितले की, मनसे पक्षामध्ये प्रवेश केलेल्या सर्व कार्यकर्त्यांना योग्य सन्मान दिला जाईल. राज साहेबांच्या विचारांना प्रेरित होऊन आपण मनसे पक्षामध्ये आला आहात, त्यामुळे मनसे पक्ष जास्तीत जास्त वाढविण्यासाठी आपण प्रयत्न करावा. गुहागर तालुका संपर्क अध्यक्ष प्रमोद गांधी यांनी धनंजय विखारे यांचा मनसे पक्षात स्वागत करून सत्कार केला. यावेळी उपजिल्हाध्यक्ष विनोद जानवळकर, तालुकाध्यक्ष सुनील हळदणकर, सह संपर्क अध्यक्ष समीर जोयशी, जानवळे शाखा अध्यक्ष सुशांत कोळंबेकर, मुंढर शाखा अध्यक्ष सुजित गांधी आदी मान्यवर उपस्थित होते. Joining the party in the presence of Gandhi
