गुहागर, ता. 15 : वेलदूर नवानगर मराठी शाळेमध्ये योग शिबिराचे आयोजन करण्यात आले होते. या शिबिरामध्ये योगा प्रशिक्षक आदिती धनावडे मॅडम यांनी मुलांना योगाचे आपल्या दैनंदिन जीवनातील महत्त्व याबद्दल माहिती सांगितली. मुलांना योगाचे विविध प्रकार शिकवले व विद्यार्थ्यांकडून करून घेतले. विद्यार्थ्यांनी या योग शिबिराला उत्स्फूर्त प्रतिसाद दिला. Yoga Camp at Veldur Navanagar School
यावेळी मुख्याध्यापक मनोज पाटील अंजली मुद्दमवार, धन्वंतरी मोरे, सुषमा गायकवाड, अफसाना मुल्ला, योगा टीचर अदिती धनवडे व सर्व विद्यार्थी उपस्थित होते. त्यानंतर शाळेचे मुख्याध्यापक मनोज पाटील यांनी मुलांना योगांमुळे शरीरातील ऊर्जा पातळी वाढते. शरीर व मन निरोगी राहण्यास मदत होते. ताण तणाव कमी करण्यासाठी योगा करणे किती महत्त्वाचे आहे. याविषयी सखोल मार्गदर्शन केले. त्यावेळी शाळेच्या वतीने योगा टीचर आदिती धनावडे मॅडम यांचा पुष्पगुच्छ देऊन सत्कार करण्यात आला. कार्यक्रमाचे समन्वयक म्हणून सुषमा गायकवाड यांनी काम पाहिले तर आभार प्रदर्शन मुल्ला मॅडम यांनी केले. Yoga Camp at Veldur Navanagar School
