स्वातंत्र्यपूर्व काळापासून नमन सेवा

वरवेली नवतरुण मंडळाने जोपासली नमन परंपरा

गुहागर, ता. 23 : समस्त कोकणात प्रसिद्ध असणारे गुहागर तालुक्यातील वरवेली येथील नवतरुण मंडळाचा संकासुर शिमगोत्सवात सर्वांच्या आकर्षणाचा केंद्रबिंदू ठरत आहे. मंडळाला गाव भवणीला नागरिकांचा उस्फूर्त प्रतिसाद मिळत आहे. वरवेली येथील नवतरुण मंडळाने स्वातंत्र्यपूर्व काळापासून आपली परंपरा जोपासली आहे. Varveli Naman Seva

फाक पंचमीला प्रारंभ होताच हे लोककला मंडळाचे सदस्य गाव भोवनीला सुरुवात करतात. मंडळातील जुन्या पिढीने जोपासलेली कला आताची नवी पिढी त्याच उत्साहाने व श्रद्धेने चालवत आहे. नवतरुण नमन मंडळात ज्येष्ठ नागरिकांसह, तरुण मंडळी मोठ्या प्रमाणात आहेत. गाव भवनीला पालशेत, निवोशी, असगोली, गुहागर शहर आणि शेवटी ८ ते ९ दिवसानंतर वरवेली गावात मंडळाचे खेळे जातात. सर्व सदस्य चप्पल न घालता गाव भवनीला फिरत असतात. Varveli Naman Seva