गेल (इंडिया) लिमिटेड, महाराष्ट्र रिजन पाइपलाइन सिस्टम द्वारा
गुहागर, ता. 29 : दाभोळ – पनवेल पाईपलाईनच्या साखळी क्रमांक १७८.९ किमी या ठिकाणी गेल (इंडिया) लिमिटेडच्या महाराष्ट्र क्षेत्रीय पाईपलाईन सिस्टीमद्वारे ऑफसाइट मॉक ड्रिल घेण्यात आली. जिल्हा आपत्ती व्यवस्थापन प्राधिकरण, रत्नागिरी जिल्हा यांच्या परवानगीने व सक्रिय सहभागाने दापोली तालुक्यातील वणौशीतर्फे पंचनदी येथे विविध कवायतीचे आयोजन करण्यात आले होते. Various drills at Panchanadi
एसडीओ, दापोली व इतर शासकीय अधिकारी तसेच उपस्थित ग्रामस्थ यांच्या समक्ष जनजागृती करण्यासाठी मराठी भाषेत पथनाट्य सादर करण्यात आले. तसेच पाइपलाइन सुरक्षितता आणि घ्यावयाची काळजी याबाबत सुरक्षा माहिती पुस्तिकांचे वाटप करण्यात आले. पाइपलाइनच्या सुरक्षेवर भर देण्यासाठी आणि आरओयूमधील अतिक्रमण आणि उत्खनन कारवायांमुळे होणाऱ्या नुकसानाब‌द्दल जिल्हा अधिकारी आणि सामान्य जनतेला संवेदनशील करण्यासाठी, जिल्हा उपविभागीय अधिकारी, दापोली उपविभाग, नायब तहसीलदार, दापोली, एएसआय, दापोली पोलीस स्टेशन, वैद्यकीय अधिकारी दाभोळ, दाभोळ गावचे सरपंच, आजूबाजूच्या गावातील ग्रामस्थ यांच्या उपस्थितीत, त्रयस्थ व्यक्तीद्वारे पाईपलाईनला नुकसान झाल्यास गेल टीमने घ्यावयाची कार्यवाही आणि विविध शासकीय विभागांच्या भूमिका आणि जबाबदारी आणि त्यांच्या मदतीने आवश्यक कार्यवाही करता कवायत करण्यात आली. दाभोळ येथील कोकण एलएनजी लिमिटेड, आरजीपीपीएल दाभोळ आणि एमजीएल युनिसन एन्व्हायरो प्रायव्हेट लिमिटेड, रत्नागिरी येथील उ‌द्योगांचे प्रतिनिधीही या कवायतीदरम्यान उपस्थित होते. Various drills at Panchanadi
दापोलीचे उपविभागीय अधिकारी, डॉ. अजित पी. थोरबोले यांनी गेल मुंबईचे कार्यकारी संचालक (O&M-पश्चिम क्षेत्र) प्रभारी अधिकारी आणि झोनल ईडी विवेक वाठोडकर आणि मुख्य महाव्यवस्थापक अन्बु सेल्वन यांच्या उपस्थितीत या कवायतीचा आढावा घेतला. गेल टीमने पाइपलाइन सुरक्षितता आणि जवळपासच्या गावकऱ्यांच्या सुरक्षिततेबद्दल जागरूकता पसरवण्यासाठी आयोजित केलेल्या पथनाट्याचे आणि गेल टीम आणि सर्व सहभागींनी केलेल्या कवायतीचे कौतुक केले. त्यांनी उपस्थित सर्वांना पाईपलाइन आरओयूमध्ये कोणत्याही प्रकारचे अतिक्रमण, उत्खनन, खोदणे आदि क्रियाकलापांचा जिल्हा अधिकारी आणि गेल यांना अहवाल देण्याचा सल्ला दिला. रत्नागिरी जिल्ह्यात अतिवृष्टी आणि पूर, चक्रीवादळ, ढगफुटी, भूस्खलन, भूकंप यासारख्या नैसर्गिक आपत्तींची संभावना असल्यामुळे सर्व लोकांना सतर्क राहण्याचा आणि काळजी घेण्याचे आवाहन करण्यात आले. Various drills at Panchanadi
