पक्ष बांधणीसाठी तटकरे आज गुहागरात

कार्यकर्त्यांना संजीवनी देण्याचा प्रयत्न

गुहागर, ता. 08 : राज्यात राष्ट्रवादी काँग्रेस पक्षामध्ये फूट पडल्याने गुहागर विधानसभा मतदार संघातहि शरद पवार व अजित पवार असे दोन गट पडले आहेत. गेली अनेक महिने गुहागरात न फिरकलेले खासदार सुनील तटकरे आज ( दि. ८) राष्ट्रवादी फुतीनंतर पक्ष बांधणीसाठी गुहागर दौऱ्यावर येत आहेत. या दौऱ्याने गुहागर तालुक्यातील पक्षाच्या कार्यकर्त्यांमध्ये उत्साहाचे वातावरण निर्माण झाले आहे. Tatkare Guhagar for Party building

आज सकाळी १० वाजता अंजनवेल येथील रत्नागिरी गॅस आणि विद्युत प्रकल्पाच्या हेलिपॅड हेलिकॉप्टरने उतरणार आहेत. त्यानंतर गुहागर बाजारपेठ मधील राष्ट्रवादी पक्ष कार्यालयाला भेट देणार आहेत. तेथून शासकीय विश्रामगृहात विकासकामांसंदर्भात अधिकाऱ्यांशी चर्चा करणार आहे. तसेच विकासकामे सुचविणे व जी मंजूर कामे आहेत, ती पूर्ण करणे, मंजूर कामांचे श्रेय लाटण्याचा प्रकार सुरू आहेत, यावर देखील चर्चा केली जाणार आहे. या बैठकीला पक्षाचे कार्यकर्ते उपस्थित राहणार आहेत. Tatkare Guhagar for Party building

गुहागर विधानसभा मतदार संघातून आलेल्या पक्षाच्या कार्यकर्त्यांसमवेत पक्ष बांधणीबाबत चर्चा होणार आहे. या बैठकीत तालुका पदाधिकारी व कार्यकर्त्यांनी अनेक मुद्दांवर चर्चा करुन तालुक्यातील आगामी राजकारणावर चिंतन करण्यात येणार आहे. पक्ष फुटीनंतर तालुक्यातील अनेक पदाधिकारी अजून शरद पवारांच्या गटात असल्याने त्यांना अजित पवार गटात आणण्यासाठी काय केले पाहिजे. तर काही पदाधिकारी अजित पवार गटात सामील होण्यासाठी मुहूर्त बघत असल्याची चर्चा सुरू आहे. शरद पवार गटात असलेल्या कार्यकर्त्यांना आगामी निवडणुकीत महाविकास आघाडी म्हणून आ. भास्कर जाधव यांचे काम करावे लागेल म्हणून तेही अजित पवारांच्या गटात येण्यासाठी कुंपणावर असल्याचे चित्र पाहावयास मिळत आहे. राष्ट्रवादी युवक काँग्रेसचे जिल्हाध्यक्ष साहिल आरेकर हे देखील आज खा. तटकरे यांच्या उपस्थितीत आपल्या कार्यकर्त्यांसह प्रवेश करणार आहेत. त्यांच्या प्रवेशाने मतदार संघात अजित पवार गटाच्या राष्ट्रवादी युवकची ताकद वाढणार आहे. Tatkare Guhagar for Party building