गुहागर, ता. 09 : महाराष्ट्र नवनिर्माण सेना गुहागर तालुक्यातर्फे न्यू इंग्लिश स्कूल व कनिष्ठ महाविद्यालय पाटपन्हाळे विद्यालयातील शिष्यवृत्ती परीक्षा व नवोदय परीक्षेमधील गुणवंत विद्यार्थ्यांचा सत्कार नुकताच शृंगारतळी कार्यालयात संपन्न झाला. Students felicitated by Guhagar MNS
गुहागर तालुक्यातील पाटपन्हाळे एज्युकेशन सोसायटी संचलित न्यू इंग्लिश स्कूल व कनिष्ठ महाविद्यालय पाटपन्हाळे विद्यालयातील इयत्ता पाचवी शिष्यवृत्तीधारक व गुणवंत विद्यार्थी कु.सिद्धार्थ अशोक पाष्टे व कुशल वैभवकुमार पवार तसेच इ.६ वीसाठी नवोदय परिक्षा निवड झालेला कुशल वैभवकुमार पवार, इयत्ता आठवी शिष्यवृत्ती गुणवत्ताधारक विद्यार्थीनी कु. समृद्धी सुरेश आंबेकर व मृण्मयी दत्ताराम जाधव तसेच ( एनएमएमएस ) राष्ट्रीय आर्थिक मागास विद्यार्थी शिष्यवृत्ती गुणवत्ताधारक विद्यार्थीनी मृण्मयी दत्ताराम जाधव या विद्यार्थ्यांचा महाराष्ट्र नवनिर्माण सेना गुहागर तालुक्यातर्फे गुहागर विधानसभा संपर्क प्रमुख प्रमोद गांधी यांच्या प्रमुख उपस्थितीत शाल, चषक व गुलाबपुष्प देऊन शृंगारतळीमधील मनसे कार्यालयात नुकताच सत्कार करण्यात आला. Students felicitated by Guhagar MNS
या सत्कार समारंभासाठी उपजिल्हाध्यक्ष विनोद जानवळकर, गुहागर तालुकाध्यक्ष सुनील हळदणकर, शेतकरी संघटना – मनसे तालुका अध्यक्ष प्रसाद कुष्टे, गुहागर शहराध्यक्ष नवनाथ साखरकर यांसह बहुसंख्य पदाधिकारी उपस्थित होते. महाराष्ट्र नवनिर्माण सेना गुहागर तालुक्यातर्फे सत्कार केल्याबद्दल पाटपन्हाळे विद्यालयाचे मुख्याध्यापक व्ही. डी. पाटील, पर्यवेक्षक जी. डी. नेरले व शिक्षकवृंद तसेच गुणवंत विद्यार्थ्यांनी महाराष्ट्र नवनिर्माण सेना पदाधिकाऱ्यांचे आभार मानले. Students felicitated by Guhagar MNS
