रावळगाव सुर्वेवाडी येथे शिवजयंती साजरी

गुहागर, ता. 18 : तिथीनुसार हिंदवी स्वराज्य संस्थापक छत्रपती शिवरायांची सालाबाद प्रमाणे रावळगाव सुर्वे वाडी येथे शिवजयंती मोठ्या उत्साहामध्ये साजरी करण्यात आली. यावेळी वाडीतील लहान मुलांचे सन्मान करून त्यांना शालेय उपयोगी वस्तूंचे वाटप करण्यात आले.  तसेच ज्येष्ठ नागरिकांचा सन्मान करण्यात आला. Shiv Jayanti at Rawalgaon Survewadi

हा शिवजयंती उत्सव गेली 40 वर्ष अखंडपणे चालू ठेवला असे श्री सुरेशराव जाधव, सुभाषराव चव्हाण, श्री विलासराव जाधव, दिलीपराव सुर्वे, प्रभाकरराव सुर्वे, मारुतीराव चव्हाण, गणपतराव सुर्वे या ग्रामस्थांचा या ठिकाणी सन्मान करण्यात आला. ज्यांनी अखंडपणे हरिनाम आणि भजन परंपरा चालू ठेवले आहे असे श्री विश्वनाथ दाजी सुर्वे, श्री प्रतापराव सुर्वे, श्री राजाराम बाबल्या सुर्वे, श्री विष्णु शिंदे, श्री गोविंद शिंदे, श्री नारायण सुर्वे, आत्माराम सुर्वे या जेष्ठ ग्रामस्थांचा सन्मान करण्यात आला. तसेच वैद्यकीय क्षेत्रामध्ये कार्यरत असणारे व  अनेक पुरस्कार प्राप्त शशिकांत चव्हाण यांचे यावेळी अभिनंदन करण्यात आले. Shiv Jayanti at Rawalgaon Survewadi