रत्नागिरी, ता. 10 : येथील रा. भा. शिर्के हायस्कूलच्या १९७० च्या जुन्या अकरावीच्या बॅचचे आठवे स्नेहसंमेलन राधानगरी, कोल्हापूर येथे उत्साहात झाले. ७० वर्षांच्या या माजी विद्यार्थ्यांचा उत्साह, उमेद आजही टिकून आहे. Reunion of 1970 batch of Shirke School
अकरावीच्या बॅचमधील विद्यार्थी २०१५ पासून हा उपक्रम राबवत आहे. दीपक कुलकर्णी यांनी याचे नियोजन केले. रत्नागिरी, मुंबई, कोल्हापूर, पुणे अशा विविध ठिकाणी विखुरलेले मित्र-मैत्रिणी आपापल्या सहचारांसमवेत यात सामील झाले. दरवेळी वेगळे ठिकाण वेगळा अनुभव घेता येईल असा प्रयत्न असतो. राधानगरी येथे गाठीभेटी, धरण गावाचा फेरफटका करून सूर्यास्त बघून सारे आनंदित झाले. नंतर प्राची शिंदे यांनी फनी गेम्स घेतले, राजकुमार प्रधान यांचे स्वरचित काव्यवाचन, श्रीकांत तेंडुलकर, सुरेशकुमार सावंत, वृंदा कुलकर्णी, संतोष कद्रेकर यांनी गाणी सादर केली. हा बहारदार कार्यक्रम रंगला. Reunion of 1970 batch of Shirke School
दुसऱ्या दिवशी दाजीपूर अभयारण्याच्या जीप जंगल सफारीचा आनंद सर्वांनी घेतला. फिरताना गवा रेड्यांचे दर्शन झाले. जंगल सफारीचा हा अनुभव सगळ्यांसाठी अनोखा होता. सतत देश-विदेश फिरणारे अशोक लांजेकर यांनी आपले प्रवास अनुभव सांगितले. सर्वजण नवीन ऊर्जा घेऊन परत भेटण्याचा वायदा करून आपापल्या गावी परतले. बॅचचे सदस्य सीए श्रीकांत वैद्य यांनी मनोगत व्यक्त करताना सुरेख नियोजन केल्याबद्दल श्री. देशपांडे व श्री. कुलकर्णी यांचे कौतुक केले. Reunion of 1970 batch of Shirke School
