गुहागर. ता. 07 : सालाबादप्रमाणे अक्षय तृतीयेच्या शुभं मुहूर्तावर तवसाळ येथील ग्रामदेवता श्री महामाई सोनसाखळी देवी भक्तांच्या घरोघरी जावून दर्शन देणार आहे. यावेळी विविध कार्यक्रमांचे आयोजन करण्यात आले आहे. त्यानंतर दि. १८ मे २०२५ रोजी सायंकाळी ४ वाजता पालखी उत्सव सांगता सोहळ्यास सुरूवात होईल. Palkhi festival of the village deity at Tavasal
शिमगोत्सवात सहानेवरती विराजमान झाल्यानंतर अक्षय तृतीयेपर्यंत भजन, देवीचा तमाशा, कथानक गण गवळण आधारित देवीचा जागर असे अनेक कार्यक्रम साजरे केले जातात. अक्षय तृतीयेला देवीचा जागर मांड झाल्यावर पालखी नाचविले जाते. नंतर मानकरी यांच्या निवासस्थानी दर्शनाला नेण्यात येते. दुसऱ्या दिवशी तवसाळ गाव पंचक्रोशीतील घरं घेण्यासाठी तवसाळ गाव खुर्द, तवसाळ पडवे, तवसाळ आगर, तवसाळ मोहिते वाडी शेवटच्या टप्प्यात तांबडवाडी, बाबरवाडी असा पालखी उत्सव सोहळा संपन्न होतो. Palkhi festival of the village deity at Tavasal
तवसाळ तांबडवाडी-बाबरवाडी गावठाण येथे होणाऱ्या पालखी उत्सवानिमित्ताने नवीन गणगवळण सहित वगनाट्य सादर केले जाणार आहेत. दि. १४/०५/२०२५ रोजी अन्याय, दि. १५/०५/२०२५ रोजी वाट पाहते पुनवेची, दि. १६/०५/२०२५ रोजी बाजी प्रभू – एक अजिंक्य योध्दा, दि.- १७/०५/२०२५ रोजी सम्राट बळीराजा हे वगनाट्य सादर करण्यात येणार आहेत. या कार्यक्रमाचे सर्व नमन प्रेमीनी आनंद घ्यावा, असे बाबर-तांबडवाडी विकास मंडळ मुंबई व ग्रामस्थ मंडळ यांच्या वतीने निमंत्रित करण्यात आले आहे. Palkhi festival of the village deity at Tavasal
नुकतेच सप्तरंगी संगीत जीवन प्रस्तुत यांच्या संकल्पनेतून साकारलेले अप्रतिम गीत “तवसाळ गावचं आई महामाई रक्षण करी” उत्स्फूर्त प्रतिसाद मिळत आहे. तसेच श्री रविंद्र नाचरे, श्री प्रकाश पांजणे यांच्या सुरात गणेश वंदना गीत “देवधी देवा गजानाथ हे नविन गाण भक्तांच्या भेटीला आले आहे. या गायकांचे गावकऱ्यांच्या वतीने अभिनंदन करण्यात आले. Palkhi festival of the village deity at Tavasal
