गुहागर तालुक्यातील घटना, 65 वर्षीय इसमावर गुन्हा दाखल
गुहागर, ता. 01 : तालुक्यातील एका गावातील आठवीत शिकणाऱ्या 14 वर्षीय विद्यार्थिनीवर घरात कोणी नसल्याच्या संधीचा फायदा घेत गावचे उपसरपंच असलेल्या 65 वर्षीय इसमाने विनयभंग केल्याची घटना घडली आहे. या घटनेने तालुक्यातून संतप्त प्रतिक्रिया व्यक्त होतं आहेत. Molestation of a minor girl
गावाचे उपसरपंच असलेल्या व्यक्तीने इयत्ता आठवीत शिकणारी 14 वर्षीय मुलगी घरात एकटी असल्याचा फायदा घेऊन तिचा विनयभंग केल्याची घटना काही दिवसांपूर्वी घडली आहे. याप्रकारणी पीडित मुलीच्या वडिलांनी गुहागर पोलीस स्थानकात तक्रार दिली आहे. पोलिसांनी या प्रकरणी त्या व्यक्तीवर गुन्हा दाखल केला आहे. दरम्यान, सदरील घटनेला काही दिवस झाले आहेत. विनयभंग करणारी व्यक्ती गावची उपसरपंच, प्रतिष्ठित व्यक्ती असल्याने हा विषय दाबण्याचा, मिटवण्याचा प्रयत्न सुरू होता. मात्र दोन दिवसांतच घटनेची चर्चा तालुक्यातील होऊ लागली. Molestation of a minor girl
