पालशेत येथे विवाहितेची आत्महत्या

गुहागर, ता. 16 : तालुक्यातील पालशेत आंबा बागेत काम करणाऱ्या विवाहितेने विषारी औषध प्राशन करुन आत्महत्या केली. सुजाता सुधीर पवार (वय 27, अलोरे कोळकेवाडी, ता. चिपळूण) असे तिचे नाव असून घरगुती कारणावरुन हे पाऊल उचलल्याची माहिती मिळाली. Marriage suicide in Palshet

पालशेत येथील माधव सुर्वे यांच्या आंबा बागेत सुधीर रमेश पवार व सुजाता पवार हे दोघे पती-पत्नी कामाला होते. दि. 13 मे रोजी दुपारी 3.30 वाजताच्या सुमारास घरगुती कारणावरुन पती-पत्नीमध्ये वाद झाला. तो वात इतका पराटोकाला गेला की सुजाता हिने घराच्या मागील बाजूस जाऊन कोणतेतरी विषारी औषध प्राशन केले. तिची प्रकृती बिघडल्याने तिला प्रथम पालशेत येथील डाँ. ढेरे यांच्याकडे उपचारासाठी नेण्यात आले. तेथून कामथे रुग्णालय व अधिक उपचारासाठी रत्नागिरी जिल्हा शासकीय रुग्णालयात दाखल करण्यात आले असता दि. 14 मे रोजी तिचा मृत्यू झाला. याबाबत फिर्याद पती सुधीर पवार याने रत्नागिरी शहर पोलीस ठाण्यात दिली. या घटनेचा अधिक तपास गुहागर पोलीस ठाण्याचे पोलीस उपनिरीक्षक सुजित सोनवणे करत आहेत. Marriage suicide in Palshet