वेलदूर येथे घरावर विज कोसळली

विद्युत उपकरणेही जळाली

गुहागर, ता. 21 : सायंकाळच्या वेळेत अचानक मेघ गर्जनासह पाऊस सूरू असताना गुहागर तालुक्यातील वेलदूर जावळेवाडी येथील एका घरावर वीज कोसळून घरातील विजेची उपकरणे जळून खाक झाल्याची घटना रविवारी घडली. या घटनेत घर मालकाचे हजारो रुपयाचे नुकसान झाले आहे. दरम्यान, रविवारी सायंकाळी असगोली येथेही वीज कोसळली. यामध्ये कोणतीही नुकसानी झालेली नाही. Lightning struck a house in Veldur

तालुक्यामध्ये गेल्या तीन दिवसा पासून परतीच्या पावसाने मेघ गर्जनासह  हजेरी लावली आहे. समुद्रकिनारपट्टी लागत वादळी वाऱ्याचा जोर जास्त आहे. काही दिवसांपूर्वी वेलदूर नवानगर येथील श्रीराम मंदिराच्या कळसावर वीज कोसळण्याची घटना घडली होती. जावळेवाडी येथील बबन देवजी जावळे यांचे घरावर रविवार ( दि. 20 ) सायंकाळी 6 वाजण्याच्या दरम्यान वीज कोसळून घराचे इलेक्ट्रिक वायरिंग पूर्णतः जळाली आहे. तसेच घरातील विजेची उपकरणे जळून खाक झाली आहेत. तसेच विजेमुळे भिंतीला तडे गेले आहेत. Lightning struck a house in Veldur