गुहागर, ता. 24 : निवडणुक आयोगाने दि. २५ जानेवारी २०२४ हा दिवस राष्ट्रीय मतदार दिवस म्हणून साजरा करणेत येणार आहे. हा कार्यक्रम सर्व मतदान केंद्रांच्या ठिकाणी व मतदार नोंदणी अधिकारी व सहा. मतदार नोंदणी अधिकारी स्तरावर होणार आहे. January 25 National Voter’s Day
यावेळी लोकशाही बळकटीकरण होणेचे दृष्टीकोनातून निवडणूकीची प्रतिज्ञा घेतली जाणार आहे. तसेच कार्यक्रमात लोकशाही पारदर्शक निवडणूक, मतदानाचा हक्क या विषयांवर मार्गदर्शन करणेत येणार आहे. २६४ गुहागर विधानसभा मतदार संघात समाविष्ट गुहागर तालुक्यात एकुण १४० मतदान केंद्रे असुन प्रत्येक मतदान केंद्रांचे ठिकाणी कार्यक्रमासाठी उपस्थित असलेल्या १८ वर्षे व त्यावरील मतदारांना व इतर नागरिकांना प्रतिज्ञा घेणेत येणार आहे. तरी सदर कार्यक्रमास मतदारांनी त्यांच्या मतदान केंद्राच्या ठिकाणी उपस्थित राहून या राष्ट्रीय कार्यक्रमास सहकार्य करावे, असे आवाहन गुहागरच्या तहसिलदार श्रीमती प्रतिभा वराळे यांनी केले आहे. January 25 National Voter’s Day
