आगर परीसर स्वच्छतेबाबत प्रवासी वर्गाने ही जागरूक राहणे गरजेचे आहे. – वी.बी. राठोड
गुहागर, ता. 18 : गुहागर आगारातील बस स्थानक परीसर, स्वच्छतागृह स्वच्छ आहे. परंतू आगर परीसर स्वच्छतेबाबत प्रवासी वर्गाने ही जागरूक राहणे गरजेचे आहे. अशी अपेक्षा ठाणे विभागाचे विभाग नियंत्रक वी.बी. राठोड यांनी व्यक्त केली. मंगळवार दिनांक 16 रोजी गुहागर आगर बसस्थानकाची तपासणी करण्यात आली. यावेळी ते बोलत होते. सोबत संजय कांबळे ठाणे विभागीय भांडार अधिकारी आगार बस स्थानक स्वच्छता तपासणी अधिकारी उपस्थित होते. Guhagar Bus Stand Inspection Mission
![](https://guhagarnews.com/wp-content/uploads/2024/01/adv.jpg)
![](https://guhagarnews.com/wp-content/uploads/2024/01/adv.jpg)
यावेळी त्यांनी बस स्थानक परिसर, स्वच्छतागृह, रंगरंगोटी सूचना फलक, गाड्यांची स्वच्छता, गाड्यांचे वेळापत्रक फलक यांची पहाणी केली. गुहागर आगर परिसर व स्वच्छता येथील अधिकारी व कर्मवीर यांनी ठेवलेला आहे. परंतु यापुढेही नियमित असेच स्वच्छता दिसावी. तसेच स्वच्छता गृहात ऍसिड, फिनेल मारून त्याचा वास जास्ती येणार नाही याची काळजी घ्यावी. आपल्या घरात स्वच्छतेचे काटेकोरपणे पालन करतात. मात्र काही प्रवासी स्वच्छतागृहामध्ये गुटका पाकीट, सिगारेटची थोटके तर काही ठिकाणी दारूच्या बाटल्याही टाकतात. अशा लोकांना स्थानिक ग्रामस्थांच्या मदतीने पकडून त्यांच्यावर गुन्हा नोंद करावा, अशा सूचना आगर व्यवस्थापकांना दिल्या. Guhagar Bus Stand Inspection Mission
यावेळी आगार व्यवस्थापक सौ.सोनाली कांबळे, वाहतूक निरीक्षक स्वप्निल शिंदे, वरिष्ठ लिपिक प्रवीण कदम व संतोष डोके, सहाय्यक वाहतूक निरीक्षक सुनील पवार, वाहतूक नियंत्रक सुमित साळवी व मनीष साखरकर, लिपिक मंदार कदम, रामा पुंड, राजू खंडजोडे, पत्रकार मनोज बावधनकर व प्रवासी मित्र पराग कांबळे उपस्थित होते. Guhagar Bus Stand Inspection Mission