चंद्रकांत बाईत विद्यालयातील विद्यार्थिनींनी जवानांसाठी पाठविल्या राख्या

गुहागर, ता. 15 : तालुक्यातील आबलोली येथील चंद्रकांत बाईत विद्यालयात “एक राखी सैनिकांसाठी “उपक्रम आयोजित करण्यात आला असून देशाच्या सीमेवर तैनात असलेल्या वीर जवानांप्रती कृतज्ञता व्यक्त करण्यासाठी एक राखी सैनिकांसाठी या अभिनव उपक्रमाचे आयोजन करण्यात आले. या राख्या भारत देशाच्या सीमेवर लढाणाऱ्या जावानांसाठी चंद्रकांत बाईत विद्यालय आबलोली या विद्यालयातील विद्यार्थिनींनी पाठविल्या. Female students sent Rakhi for soldiers

या कार्यक्रमासाठी विद्यालयाचे मुख्याध्यापक श्री.गिरी सर,  आबलोलीचे पोस्ट मास्तर श्री. गुढेकर साहेब,काजूर्लीचे पोस्ट मास्तर श्री गुरव, मासू गावचे पोस्टमन चंद्रकांत यमलवाड आणि आबलोली गावचे पोस्टमन सुशांत साळवी हेही उपस्थित होते. या उपक्रमामुळे विद्यार्थ्यांमध्ये देशप्रेम, राष्ट्रभक्ती, सामाजिक बांधिलकी आणि सैनिकां प्रति कृतज्ञ तेची  भावना वृद्धिंगत झाली . चला,एक राखी, एक प्रेमाचा संदेश आपल्या वीर सैनिकांसाठी या संदेशातून विद्यार्थ्यांनी देश रक्षण करणाऱ्या जवानांना प्रेमाची अनोखी भेट दिली. या उपक्रमाला भारत सरकार पोस्ट विभागाचे सहकार्य लाभले तसेच विद्यालयातील सर्व शिक्षक विद्यार्थी आणि संबंधित पोस्ट विभागाच्या कर्मचाऱ्यांनी हा उपक्रम यशस्वी करण्यासाठी विशेष सहकार्य केले. Female students sent Rakhi for soldiers