स्वातंत्र्य दिनानिमित्त शाळांमध्ये प्रश्नमंजुषा उपक्रम

सुयश कॉम्प्युटर सेंटर आबलोली आणि एमकेसीएल यांचा स्तुत्य उपक्रम

गुहागर, ता. 14 : 15 ऑगस्ट स्वातंत्र्यदिनानिमित्त गुहागर तालुक्यातील प्राथमिक व माध्यमिक इंग्रजी माध्यम, खाजगी शाळांमध्ये प्रश्नमंजुषा हा आगळा वेगळा उपक्रम राबविण्यात येणार आहे. तरी गुहागर तालुक्यातील शाळांनी या उपक्रमात उत्स्फूर्तपणे सहभागी व्हावे, असे जाहीर आवाहन एमकेसीएलचे केंद्र प्रमुख आणि सुयश कॉम्प्युटर सेंटर आबलोलीचे संचालक श्री.संदेश गजानन साळवी यांनी केले आहे. Quiz Activity on Independence Day

महाराष्ट्र ज्ञान महामंडळ मर्यादित (एमकेसीएल) ही संस्था महाराष्ट्र राज्य शासन, महाराष्ट्रातील ९ प्रमुख विद्यापीठे, शिक्षण संस्था व काही सामाजिक संस्था यांच्या सहयोगातून स्थापन झाली आहे. सामाजिक व आर्थिक परिवर्तनाचे उद्दिष्ट डोळ्यासमोर ठेवून, माहिती तंत्रज्ञानाच्या माध्यमातून अध्ययन, अध्यापन व शैक्षणिक व्यवस्थापन क्षेत्रात ही संस्था गेली २२ वर्षे कार्यरत आहे. १५ ऑगस्ट स्वातंत्र्यदिनाचे औचित्यसाधून परीक्षेचे आयोजन शाळांमधील विद्यार्थ्यांना काही क्रांतिकारी, सत्याग्रह, स्वातंत्र्य लढ्यातील प्रेरणादायी महापुरुष यांच्या जीवनाचा अभ्यास करून त्यावर आधारित परीक्षेचे स्वरूप असावे असा उपक्रम महाराष्ट्रातील सर्वच जिल्ह्यांमध्ये राबविला जात आहे. Quiz Activity on Independence Day

सदर परीक्षा ही ऑफलाईन पद्धतीने म्हणजेच पेपरवर दिली जाणार आहे. परीक्षा या ऑगस्ट महिन्यात घेण्यात येणार आहे. ही परीक्षा देण्यासाठी विद्यार्थ्याला कोणतेही परीक्षा शुल्क आकारले जाणार नाही. तरी आपल्या प्रशालेतील इ. ५ ते १० वी चे विद्यार्थी या स्पर्धेमध्ये सहभागी होतील असे पाहावे.  प्रश्नपत्रिका व उत्तरपत्रिका मोफत दिली जाणार आहे याची नोंद घ्यावी. परीक्षा तपासणीचे काम हे एमकेसीएल मार्फत होणार आहे तसेच एमकेसीएलचे  केंद्र संचालक या संदर्भात आपल्याशी संपर्क साधतील त्यांना सहकार्य करावे, असे जाहीर आवाहन एमकेसीएलचे केंद्रप्रमुख व सुयश कंप्युटर सेंटर आबलोलीचे संचालक श्री. संदेश गजानन साळवी यांनी केले आहे. Quiz Activity on Independence Day