गुहागर तालुक्यामध्ये नवीन मतदार नोंदणीस प्रारंभ

गुहागर, ता. 13 : भारत निवडणूक आयोगाने मतदार यादीचा विशेष पुनरिक्षणाचा कार्यक्रम राबविणेचा सुधारीत कार्यक्रम जाहीर केला आहे. या पार्श्वभूमीवर तालुक्यात नवीन मतदार नोंदणीस प्रारंभ करण्यात आला आहे. गुहागर विधानसभा क्षेत्रातील सर्व राजकीय पक्षाच्या सन्माननीय पदाधिकारी यांची बैठक शिवाजी जगताप, मतदार नोंदणी अधिकारी, २६४ गुहागर विधानसभा मतदार संघ तथा उपविभागीय अधिकारी खेड यांचे अध्यक्षतेखाली तहसिल कार्यालय गुहागर येथे आयोजित करण्यात आली. New voter registration starts in Guhagar Taluka

गुहागर विधानसभा मतदार संघामध्ये एकूण ३२२ मतदान केंद्राचा समावेश आहे. 6 ऑगस्ट रोजी सर्व केंद्राची प्रारुप मतदार यादी प्रसिध्द करण्यात आली आहे. पुनरिक्षण कार्यक्रमांतर्गत दावे व हरकती (अर्ज) स्विकारण्याचा कालावधी 6 ऑगस्ट ते 20 ऑगस्ट असा आहे. त्याअनुषंगाने सदरचे अर्ज स्विकारणेसाठी १७ ऑगस्ट, २०२४ (शनिवार), १८ ऑगस्ट, २०२४ (रविवार) या दिवशी सर्व मतदान केंद्राच्या ठिकाणी मतदान केंद्रस्तरीय अधिकारी यांचे उपस्थितीत विशेष शिबीर आयोजित केले आहे. New voter registration starts in Guhagar Taluka

नवीन नाव नोंदणी (नमुना ६), नाव वगळणी (नमुना ७), दुरुस्ती व दुबार इपीआयसी(नमुना ८) अशा स्वरुपाचे अर्ज भरता येणार आहेत. विशेष मोहिमे बरोबरच दि. २०/०८/२०२४ पर्यत मतदान केंद्रस्तरीय अधिकारी किंवा तहसिल कार्यालय तसेच voters.eci.gov.in या संकेतस्थळावर देखील अर्ज करता येतील. याबाबत राजकिय पक्षाचे उपस्थित पदाधिकारी यांना देखील मतदार यादी पुनरीक्षण कार्यक्रमाबाबत माहीती देण्यात आली. तरी जास्तीत जास्त नवमतदारांनी तसेच नागरीकांनी सहभाग नोंदवावा, असे आवाहन शिवाजी जगताप, मतदार नोंदणी अधिकारी, २६४ गुहागर विधानसभा मतदार संघ तथा उपविभागीय अधिकारी खेड यांनी केले आहे. New voter registration starts in Guhagar Taluka