अंजनवेल येथील माजी सरपंच यशवंत बाईत यांचा आरोप
गुहागर, ता. 11 : तालुक्यातील अंजनवेल ग्रामपंचायतीने कातळवाडीतर्फे अंजनवेल येथील १५ वा वित्त आयोगातील निधीतून सार्वजनिक शौचालय दुरूस्तीच्या कामामध्ये सरपंच, ठेकेदार, उपअभियंता, ग्रामसेवक यांनी संगनमताने निधीची लूट करत अपहार केला आहे. त्यांच्यावर कारवाई कारावी व ठेकेदाराला काळ्या यादीत टाकून नोंदणी रद्द करावी, अशी मागणी येथील माजी सरपंच यशवंत बाईत यांनी केली आहे. Embezzlement in toilet repair work
माजी सरपंच यशवंत बाईत यांनी अंजनवेल बोरभाटलेवाडी येथे पत्रकार परिषद घेऊन याबाबतचे सर्व पुरावे सादर करत आरोप केले आहेत. तर याबाबत कारवाई करण्याची मागणी गटविकास अधिकारी यांच्याकडेही केली असल्याचे त्यांनी माहीती देताना सांगितले. अंजनवेल ग्रामपंचायत १५ वा वित्त आयोगाच्या सन २०२१-२२ च्या आराखडयात बंदीत निधीतून कातळवाडीतर्फे अंजनवेल येथील शौचालय दुरूस्तीसाठी सुमारे ३ लाख ५७ हजार रूपये व मौजे अंजनवेल येथील शौचालय दुरूस्तीसाठी ३ लाख ५९ हजार रूपयांची तरतुद केली होती. यातील दोन्ही कामांची अंदाजपत्रक ग्रामिण पाणी पुरवठा उपअभियंता मंदार छत्रे यांनी बनविले. सदर दुरुस्तीचे काम गोपाळगड कन्स्ट्रक्शनचे समीर धामणस्कर यांना १२ टक्के व ११.२५ टक्के कमी यांना मिळाले. सदर काम ३० नोव्हेंबर रोजी पूर्ण झाल्याने येथील सरपंचांनी ५ डिसेंबर २०२३ रोजी कामाची पहाणी करून अंतिम मुल्यांकन करण्याचे जिल्हा परिषद बांधकाम विभागाला पत्राने कळविले. Embezzlement in toilet repair work
दरम्यान, याअगोदर आपण कातळवाडीतेर्फ अंजनवेल व मौजे अंजनवेल याठिकाणी मोठे शौचालय नसून दुरूस्तीला मोठया प्रमाणावर निधीची गरज नसल्याने सदर कामाची चौकशी करून मुल्यांकन करण्यात यावे. अशी गटविकास अधिकारी यांच्याकडे मागणी केली होती. याबाबत गटविकास अधिकारी यांनी ग्रामीण पाणी पुरवठा उपअभियंता यांच्याकडे पुढील कार्यवाहीसाठी पाठवीले होते. परंतु त्यानंतर याबाबत कोणतेच उत्तर दिले गेले नाही. आणि मुल्यांकन करून रक्कम वितरीत करण्यात आली. केलेल्या कामामध्ये ज्याठिकाणी शौचालयावर जीआयचे पत्रे वापरण्याचे लिहीले होते, त्याठिकाणी सिमेंटचे पत्रे वापरण्यात आले आहेत. दरवाजाच्या चौकडी बदललेल्या नाहीत, शौचालयाचे भांडे बदलले नाही, सर्व प्लास्टर केलेले नाही. मात्र या सर्वांचा खर्च दाखवून निधी काढण्यात आला आहे. एवढेच नव्हे तर कातळवाडीतर्फे अंजनवेल येथील शौचालयाचे मोजमा नोंदवहीत कामांचे मोजमाप स्वतंत्रपणे दाखवून एकूण २ लाख ५४ हजार ८६५ रूपये २७ पैसे दाखवीले आहेत. तर मौजे अंजनवेल मधील मोजमाप नोंदवीत कामाचे मोजमाप १ लाख ८० हजार ५१८ रुपये ०४ पैसे दाखवीले आहे. मात्र कातळवाडीतर्फे अंजनवेल येथील शौचालय कामाचे मोजमाप घेताना एकूण मुल्यांकन रक्कमेत सुमारे ७० हजाराने जादा रक्कम दाखवून १५ वा वित्त आयोगातून सरपंच, ठेकेदार समीर धामणस्कर, उपअभियंता श्री. छत्रे व ग्रामविकास अधिकारी श्री. कुळे यांनी संगनमताने रक्कम लुटले आहेत. Embezzlement in toilet repair work
