समाजातील महिलांनी संघटीत होणे काळाची गरज; श्रेया महाडिक
गुहागर, ता. 26 : तेली समाजातील महिलांनी संघटीत होणे काळाची गरज असून हळदी कुंकू समारंभाच्या माध्यमातून सर्व महिलांनी एकत्रित येऊन आपल्याला एकीचे बळ निर्माण करावयाचे आहे. तसेच महिलांनी समाजाच्या प्रत्येक कार्यात पुढाकार घेतलाच पाहीजे असे मत चिपळूण तालुका तेली समाज महिला अध्यक्षा श्रेया महाडीक यांनी व्यक्त केले. गुहागर तालुका तेली समाज महिला मंडळाच्या वतीने पाटपन्हाळे ग्रामपंचायतीच्या छत्रपती शिवाजी महाराज सभागृहामध्ये हळदीकुंकू समारंभाचे आयोजन करण्यात आले होते. त्यावेळी त्या बोलत होत्या. Women’s Haldikunku Ceremony of Teli Samaj
कार्यक्रमाची सुरुवात दीप प्रज्वलन तसेच श्रीमहालक्ष्मीदेवता, श्रीसंत संताजी जगनाडे महाराज, छत्रपती शिवाजी महाराज यांचे पुजन, पुष्पहार अर्पण करून करण्यात आले. प्रास्ताविका मध्ये दिव्या किर्वे यांनी महिलांसाठी आयोजित केलेल्या हळदी कुंकू समारंभाचा उद्देश कथन केला. तसेच यापुढे ही गुहागर तालुक्यातील महिलांनी समाजाच्या विविध उपक्रमात सहभागी होण्याचे आवाहन केले. उपस्थित महिला पदाधिकाऱ्याचे महिला मंडळाच्या वतीने यथोचित गौरव करण्यात आले. हळदी कुंकू समारंभात सर्व महिलांना हळदकुंकू लावून भेटवस्तू देऊन गौरविण्यात आले. तसेच प्रत्येक गावातील महिला मंडळ अध्यक्षांचा सत्कार करण्यात आला. Women’s Haldikunku Ceremony of Teli Samaj
यावेळी श्रद्धा राऊत, दुर्वा रहाटे, गुहागर ता. तेली समाज महिला अध्यक्ष दिव्या किर्वे, रोहीणी रहाटे, प्राची पवार, रेश्मा रसाळ, रिया राऊत, सीमा किर्वे, अक्षता झगडे, अपर्णा राऊत, सुलोचना महाडिक, अंजली महाडिक, सुप्रिया रहाटे, शालिनी चव्हाण, अनिता राऊत, राजश्री राऊत, माजी अध्यक्ष शशिकांत पवार, पत्रकार गणेश किर्वे, दिलीप जाधव, सुरेश महाडिक यांच्यासह तालुक्यातून बहुसंख्य महिला उपस्थित होत्या. Women’s Haldikunku Ceremony of Teli Samaj
