पाटपन्हाळे महाविद्यालयात वन्यजीव सप्ताह संपन्न

गुहागर, ता.07 : तालुक्यातील मध्यवर्ती ठिकाणी असलेल्या पाटपन्हाळे कला, वाणिज्य व विज्ञान महाविद्यालयात वन्य जीव सप्ताह संपन्न झाला. यावेळी विद्यार्थ्यांना वन्य प्राण्याविषयी जागरूकता निर्माण व्हावी, या हेतूने वन विभाग व आर्ट्स रिसोर्स सेंटर यांच्या वतीने व्याख्यानाचे आयोजन करण्यात आले होते. Wildlife Week at Patpanhale College

या कार्यक्रमाच्या सुरवातीला महाविद्यालयाचे प्राचार्य डॉ. प्रमोद देसाई यांनी सर्व मान्यवरांचे पुष्पगुच्छ देऊन स्वागत केले. तर प्राचार्य प्रमोद देसाई यांनी आपल्या प्रास्ताविकात पर्यावरण संरक्षणासाठी वन्य प्राण्याचे रक्षण करणे ही आपली सामुदायिक जबाबदारी असल्याची जाणीव करून दिली. Wildlife Week at Patpanhale College

कार्यक्रमात “वन्य प्राण्याची जोपासना व संरक्षण” या विषयावर रत्नागिरी येथील वन विभागाचे मानद वन्यजीव रक्षक गिरीश बापट यांनी डिजिटल पद्धतीने जागतिक पातळीवर वन्य प्राण्यांचे प्रकार आणि त्याची जीवन शैली यावर मार्गदर्शन विद्यार्थ्यांना केले. Wildlife Week at Patpanhale College

यावेळी गुहागरचे परिमंडळ वन अधिकारी श्री. संतोष परशेट्ये, वनपाल सामाजिक वनीकरण गुहागरचे श्री. निमकर, वनरक्षक सहाय्यक श्री. अरविंद मांडवकर, श्री. संजय दुंडगे आदी उपस्थित होते. या कार्यक्रमाचे प्रास्ताविक डॉ. प्रसाद भागवत यांनी तर आभार प्रदर्शन आर्ट्स रिसोर्स सेंटर प्रमुख डॉ. दिनेश पारखे यांनी केले. कार्यक्रमाच्या यशस्वितेसाठी महाविद्यालयातील डॉ. जालिंदर जाधव, सौम्या चौघुले, ग्रंथपाल धनंजय गुरव, शिक्षकेतर कर्मचारी यांनी विशेष मेहनत घेतली. Wildlife Week at Patpanhale College