एक दिवस खामशेतमध्ये घेतला प्रत्यक्ष कामाचा अनुभव
गुहागर, ता. 15 : पंचायत समिती मार्फत दि.१० ऑक्टोबर ते १२ ऑक्टोबर २०२२ असे तीन दिवस खास प्रशिक्षण गुहागर तालुक्यातील सर्व ग्राम रोजगार सेवकांना दिले गेले. प्रशिक्षणांर्थीना प्रमुख मार्गदर्शक म्हणून जिल्हा परिषद पुणे येथील श्री. गोपाळ शर्मा सर व श्री. साईराज प्रधान सर हे लाभले होते. Training of Panchayat Samiti Gram Rozgar Sevaks
दि. १० ऑक्टोबर २०२२ रोजी गुहागर येथे पंचायत समिती सभागृहात गट विकास अधिकारी प्रशांत राऊत व प्रमोद केळुस्कर यांच्या सहकार्याने प्रशिक्षणाचा शुभारंभ झाला. दुसऱ्या दिवशी खामशेत गावात प्रशिक्षणार्थींना प्रत्यक्ष कामाचा अनुभव देण्यात आला. गाव फेरी, शिवार फेरी, पाहिजे त्याला काम, कुटूंब सर्वेक्षण यांचे प्रात्यक्षिक करण्यात आले. सरपंच मंगेश सोलकर यांनी गावामध्ये कशा प्रकारे मनरेगा अंतर्गत कामे केली व त्यासाठी काय काय नियोजन व अंमलबजावणी करावी लागते याबाबत मार्गदर्शन केले. तिसऱ्या दिवशी प्रशिक्षण पूर्ण झाल्यावर प्रशिक्षणांर्थीना जिल्हा परिषद रत्नागिरीचे नरेगा सहाय्यक कार्यकारी अधिकारी साळुंखे साहेब व जिल्हा परिषद रत्नागिरीचे नरेगा गट विकास अधिकारी जाधव साहेब यांच्या हस्ते प्रमाण पत्र देऊन समारोप करण्यात आला. Training of Panchayat Samiti Gram Rozgar Sevaks
यावेळी प्रशिक्षणांर्थीना प्रमुख मार्गदर्शक म्हणून जिल्हा परिषद पुणे येथील श्री. गोपाळ शर्मा सर व श्री. साईराज प्रधान सर हे लाभले होते. यांनी अत्यंत खेळीमेळीच्या वातावरण ग्रामरोजगार सेवकांचे कार्य तसेच मनरेगा मार्फत अनेक रोजगार उपलब्ध करून गावातील सर्व घटक, ग्रामस्थ शेतकरी यांचा आर्थिक स्तर वाढवून, गावातील प्रत्येक कुटुंब कसे समृद्ध करता येईल व विकासाच्या दिशेने “स्वतः समृद्ध तर गाव समृद्ध, गाव समृद्ध तर तालुका, तालुका समृद्ध तर जिल्हा आणि जिल्हा समृद्ध तर पूर्ण महाराष्ट्र समृद्ध” अशा पद्धतीने विकास साध्य करता येईल, असे सांगून त्या करीता अत्यंत मोलाचे मार्गदर्शन केले. Training of Panchayat Samiti Gram Rozgar Sevaks
यावेळी पंचायत समितीचे सहाय्यक गट विकास अधिकारी प्रमोद केळुस्कर साहेबांनी सुद्धा प्रत्यक्ष भेट देऊन प्रशिक्षणार्थ्यांना मार्गदर्शन केले. तसेच तालुका कृषी अधिकारी कोळी साहेब, सामाजिक वनीकरण विभागाचे अधिकारी, पंचायत समिती नरेगा विभागाच्या तांत्रिक अधिकारी नयना जाधव मॅडम, गुहागर तहसील विभाग अधिकारी, खामशेत गावचे पोलिस पाटील, ग्रामसेवक तसेच सरपंच श्री. मंगेश सोलकर उपस्थित होते. Training of Panchayat Samiti Gram Rozgar Sevaks
