गुहागर, ता. 05 : उमेदवारी अर्ज मागे घेण्याच्या दिवसापर्यंत महायुतीच्या पदाधिकाऱ्यांना हुलकावणी देणाऱ्या संतोष जैतापकरांना अखेरच्या क्षणी माजी खासदार निलेश राणेंनीच हुलकावणी दिली. सल्लामसलत करण्यासाठी कणकवलीत गेलेल्या संतोष जैतापकरांना खास हेलिकॉप्टरची सैर घडवून गुहागरात पाठवले. त्यानंतर जैतापकरांनी उमेदवारी अर्ज मागे घेतला. The drama behind Jaitapkar’s retreat
भाजपचे ओबीसी सेलच्या जिल्हाध्यक्ष पदाचा राजीनामा देवून संतोष जैतापकर यांनी गुहागर विधानसभा मतदारसंघातून अपक्ष उमेदवारी अर्ज दाखल केला होता. त्यावेळी केलेल्या शक्तीप्रदर्शनामुळे संतोष जैतापकर महायुतीसाठी अडचणीचे ठरु शकतात असे समोर आले. तेव्हापासून भाजपचे पदाधिकारी संतोष जैतापकर यांनी उमेदवारी अर्ज मागे घेण्यासाठी प्रयत्न करत होते. प्रत्येकवेळी जैतापकर अर्ज मागे घेणार असल्याचे ठामपणे सांगत होते. जिल्हाध्यक्ष केदार साठे जैतापकरांच्या भेटीला लक्ष्मी पूजनाचे दिवशी गुहागरला आले परंतू जैतापकर लक्ष्मी पूजनासाठी मुंबईत निघुन गेले. त्यानंतर त्यांनी भाजपच्या पदाधिकाऱ्यांचे फोन उचलणेही बंद केले होते. उमेदवारी अर्ज भरण्याच्या शेवटच्या दिवशीही ते नॉट रिचेबल झाले होते. The drama behind Jaitapkar’s retreat
संतोष जैतापकर यांनी याच दरम्याम माजी खासदार व कुडाळ मतदारसंघातील शिवसेनेचे उमेदवार निलेश राणे यांची भेट पक्की केली. राणेंनी देखील आज त्यांना भेटण्यासाठी सिंधुदूर्गात बोलावले. गेले चार दिवस भाजपच्या पदाधिकाऱ्यांना हुलकावणी देणाऱ्या संतोष जैतापकर यांच्यासाठी ही शेवटची हुलकावणी ठरली. सिंधुदूर्गात पोचल्यावर निलेश राणेंनी त्यांना समजावले आणि हेलिकॉप्टरमधुन गुहागरला पाठवून दिले. दरम्यान निलेश राणेंनीच ही माहिती जिल्हाध्यक्ष केदार साठे यांना दिली. आणि सर्वांनीच सुटकेचा श्र्वास सोडला. उमेदवारी अर्ज मागे घेण्यासाठी केवळ अर्धातास शिल्लक असताना शिवसेनेच्या पदाधिकाऱ्यांनी आरजीपीपीएलच्या हेलीपॅडवरुन जैतापकरांना गुहागरला निवडणुक कार्यालयापर्यंत आणले आणि उमेदवारी मार्ग घेण्याच्या अर्जावर संतोष जैतापकरांनी सही केली. The drama behind Jaitapkar’s retreat
