वरवेली आगरेवाडी येथील घटना
गुहागर, ता. 15 : तालुक्यातील वरवेली आगरेवाडी येथील रहिवाशी रविंद्र रामचंद्र आगरे व त्यांच्या अपंग पत्नी मंजिरी आगरे यांना प्रधान मंत्री आवास योजनेतून घर मंजूर झाले आहे. या घरासाठी रवींद्र आगरे यांना सहहिस्सेदार परवानगी देत नव्हते, अखेर घर मंजूर असल्याने व स्वतः बेघर असल्याने नाईलाजास्तव वडिलोपार्जित जमिनीतील हिस्स्यामध्ये घराचे बांधकाम सुरू केले. परंतू मंजूर झालेल्या या घराचे बांधकाम सुरु असताना रविंद्र रामचंद्र आगरे यांचा पुतण्या व बहिणींनी एकत्रित मिळुन घराचे बांधकाम पुर्णत: पाडुन भुईसपाट करून आर्थिक नुकसान केल्याचे रवींद्र आगरे यांनी तंटामुक्त समितीकडे निवेदनाद्वारे न्यायाची अपेक्षा व्यक्त केली आहे. The construction of the disabled woman’s house collapsed
दरम्यान, तंटामुक्त समितीच्या बैठकीत चांगलाच हा मुद्दा गाजला असून तंटामुक्त समितीच्या बैठकीत याविषयी चर्चा होऊन सदर घटनेचा पंचनामा करण्यात आला आहे. तसा अहवाल गुहागर पोलीस ठाणे यांना पुढील कार्यवाहीसाठी पाठविण्यात येणार आहे. बेघर व अपंग महिलेच्या घराचे बांधकाम ताकदीच्या जीवावर, दंडेलशाहीने जमीनदोस्त करणाऱ्या व्यक्ती विरोधात तंटामुक्त समितीच्या सर्वच सदस्यांनी जाहीर निषेध केला. तसेच या व्यक्तीवर कायदेशीर कारवाई व्हावी, असेही सुचित करण्यात आले. The construction of the disabled woman’s house collapsed
वरवेली ग्रा.प. च्या तंटामुक्त समितीची सभा मंगळवारी तंटामुक्त समिती अध्यक्ष वैभव पवार यांच्या अध्यक्षतेखाली आयोजित करण्यात आली होती. प्रधानमंत्री आवास योजनेतून रवींद्र आगरे यांना दोन वर्षापूर्वीच घर मंजूर झाले असून या कामासाठी त्यांचे कुटुंबीय जागेची संमती देत नसल्याने वरवेली ग्रामपंचायतला पुढील प्रधानमंत्री आवास योजने अंतर्गत घरांना लाभ देता येत नाही, पर्यायाने या योजनेचा इतरांना लाभ देण्यास अडचण निर्माण होत आहे. गेली दोन वर्ष या घराचे बांधकाम करण्यास सह हिस्सेदार अडचण निर्माण करत होते. मंजूर झालेले घर परत जाऊ नये यासाठी वडिलोपार्जित असलेल्या जमिनीत रवींद्र आग्रे यांनी घराचे बांधकाम सुरू केले. परंतु बांधकाम करत असतानाच सह हिस्सेदार यांनी ते बांधकाम जमीनदोस्त केले. The construction of the disabled woman’s house collapsed
या सभेत यावर तोडगा काढण्यासाठी बांधकाम जमीनदोस्त करणाऱ्या व्यक्तीनांही निमंत्रित करण्यात आले होते. परंतु यातील एकही व्यक्ती सभेला उपास्थित शकली राहु नाही. तंटामुक्त समितीच्या माध्यमातून निमंत्रण देऊन सुद्धा सभेला उपस्थित राहून न शकणाऱ्या व्यक्तीविरोधात नाराजी व्यक्त करण्यात आली. The construction of the disabled woman’s house collapsed
या सभेला अध्यक्ष वैभव पवार, सरपंच नारायण आगरे, उपसरपंच मृणाल विचारे, ग्रामपंचायत सदस्य संदीप पवार, नरेश रांजाणे, पो. पा. सुजीत शिंदे, दिवाकर कानडे, आशिष विचारे, पंकज आगरे, प्रल्हाद विचारे, प्रतिक्षा किर्वे, संतोष अवेरे, विजय रांजाणे, अनंत जावळे, तलाठी गावित, ग्रा.म. सेवक महेद्र भुवड उपस्थित होते. The construction of the disabled woman’s house collapsed
