विजेता श्री सिद्धिविनायक संघ तर उपविजेता मास्टर शशिकांत संघ
गुहागर, ता. 10 : शृंगारतळी आयपीएलच्या धर्तीवर खेळवल्या गेलेल्या तळवली प्रीमिअर लीग पर्व 2 चा श्री सिद्धिविनायक संघ विजेता ठरला तर मास्टर शशिकांत संघाला उपविजेते पदावर समाधान मानावे लागले. स्पर्धेचे उद्घाटन उपसरपंच अनंत डावल यांच्या हस्ते गावातील प्रतिष्ठित मान्यवरांच्या उपस्थितीत करण्यात आले. Talwali Premier League Cricket Tournament
तीन दिवस चाललेल्या या स्पर्धेला विविध स्तरातील मान्यवरांनी भेटी देऊन शुभेच्छा दिल्या. स्पर्धेतील विजेत्या संघाला आकर्षक चषक व रोख रक्कम 10000/- तर उपविजेत्या संघाला आकर्षक चषक व रोख रक्कम 7000/- देऊन मान्यवरांच्या हस्ते गौरविण्यात आले. मालिकाविर म्हणून अभिषेक डावल, उकृष्ट फलंदाज अविनाश आग्रे, उत्कृष्ट गोलंदाज प्रदीप चव्हाण यांना आकर्षक चषक देऊन गौरविण्यात आले. तर स्पर्धेतील उत्कृष्ट फलंदाज कॅप अभिषेक डावल याने व उत्कृष्ट गोलंदाज कॅप प्रथमेश पोफळे याने पटकावली. Talwali Premier League Cricket Tournament
तालुक्यातील तळवली डावलवाडी येथील मैदानावर खेळवल्या गेलेल्या या क्रिकेट स्पर्धेत एकूण 10 संघमालकांच्या 10 संघांनी सहभाग घेतला होता. यामध्ये मनोज आंब्रे यांचा खुशी इलेव्हन, गिरिराज व प्रसाद कारेकर यांचा मास्टर शशिकांत, अमित पोफळे व स्वप्नील शिगवण यांचा स्वयंभू सोमनागेश्वर, रोहित व वैभव शिगवण यांचा जय भवानी क्रिकेट संघ, मंदार पवार यांचा तनिष वारिअर्स, विशाल सांगळे व कैलास आग्रे यांचा फोरेव्हर शाहू, शैलेश डाकवे व सुरज खोकरे यांचा श्री सुकाईदेवी वारिअर्स, प्रदीप चव्हाण यांचा श्री सिद्धिविनायक संघ, विश्वदीप व वरुण यांचा भूमी इलेव्हन व टीपीएल पर्व 2 क्रिकेट संघ या संघाचा समावेश होता. Talwali Premier League Cricket Tournament
स्पर्धेच्या बक्षीस वितरणासाठी गावातील विविध स्तरावरील मान्यवर उपस्थित होते. स्पर्धेत पंच म्हणून सुदीप जाधव, समित पवार, विनोद पवार, प्रवीण पवार, अभिषेक डावल, प्रदीप चव्हाण, संदीप चव्हाण यांनी काम पाहिले. Talwali Premier League Cricket Tournament
