गुहागर. ता.13 : तालुक्यातील उमराठ येथील सुरेश भिकू गावणंग या थोर समाज-रत्नाचा, विकास- पुरुषाच्या तेजस्वी पर्वाचा अल्पशा आजाराने निधन झाले. मृत्यू समयी ते ६2 वर्षांचे होते. Suresh Gavanang from Umrath is no more
त्यांच्याविषयी बोलताना ग्रा. उमराठचे सरपंच जनार्दन आंबेकर म्हणाले की, त्यांच्याबद्दल काय बोलावे तेच कळत नाही. शब्दही अपुरे पडतील. तेजस्वी चेहरा, बोलण्यात मधुरता पण भारदस्त आवाज, प्रेमळ स्वभाव, प्रसंगी कडक आणि शिस्त-बद्धता, वागण्यातही विशिष्ट अदब आणि नेहमी आस विकासाची, समृद्धतेची, समाज सेवेची, युवा पिढी सुसंस्कृत करण्याची…! बाल-वयातच वाडीच्या विकास कामाच्या मिटिंग मध्ये आपल्या आजोबांचे बोट धरून ते उपस्थित राहू लागले आणि पुढे जावून वाडीतील प्रत्येक व्यक्तीला मदतीचा हात पुढे करून त्यांना मार्गदर्शन करून घडवू लागले. वाडीतील प्रत्येक व्यक्तीला घडविण्यात त्यांचा सिहांचा वाटा आहे. Suresh Gavanang from Umrath is no more
सामाजिक, सांस्कृतिक, शैक्षणिक कार्यक्रमाचे बीज लहान मुलांपासून ते मोठ्यांपर्यत पेरले. नमन, नाटक, भजन, नाच यासारख्या अनेक कलांची त्यांना आवड व छंद होता. नमन या कोकणच्या लोककलेवर त्यांचे विशेष प्रेम होते. उमराठ गावाच्या नमन कलेमध्ये नव-नवीन विविध प्रयोग करून ती नावारूपाला आणण्यात त्यांचा मोलाचा वाटा आहे. वाडीतील प्रत्येक व्यक्तीच्या कामाची, कलेची दखल घेवून त्याचे कौतुक करून, त्याला प्रोत्साहित करण्याचा त्यांचा हातखंडा विशेष. उमराठ गावाच्या संघटनेत व विकास कामात त्यांचा सिहांचा वाटा आहे. सभागृह बांधून, वाडीतील जेष्ठ कार्यकर्त्यांचा सपत्नीक सत्कार करून, ते त्यांच्यातील बाप-माणसाचे प्रत्यय देवून गेले. Suresh Gavanang from Umrath is no more
वाडीतील कोणत्याही व्यक्तीला तत्वज्ञानासाठी बाहेरील जगातील वर-वर दिसणाऱ्या साधू-गुरूंची कधी गरज भासली नाही. कारण त्यांनीच वाडीतील प्रत्येकाने कसे वागावे, जीवनातील चांगल्या-वाईट गोष्टी, तत्व-ज्ञान, अध्यात्म-शिकवण दिली. यापुढे जेव्हा संघटना, विकास, माणुसकी, जिव्हाळा, स्नेह-प्रेम समाजसेवेची चर्चा होईल त्यावेळी सर्वात पहिली आठवण कै. सुरेश दादाची येईल. Suresh Gavanang from Umrath is no more
आम्हा सर्वांच्या अंधारलेल्या जीवनात “विकासाचा, संस्काराचा व ज्ञानाचा प्रकाश पसरवून, हा “सूर्य” अचानक डोंगराआड गेला. अशा या थोर समाज सेवकाला आपल्या ग्रामपंचायत उमराठ परिवारातर्फे विनम्र मानाचा मुजरा व भावपूर्ण श्रद्धांजली. Suresh Gavanang from Umrath is no more
