पिंपर मधील घटना, उपचाराअंती डेरवणमध्ये मृत्यू
गुहागर, ता. 06 : तालुक्यातील महिला सरपंच उर्वी मोरे यांनी आत्महत्या केल्याने पिंपर गावाला धक्का बसला आहे. गावात कोणताही वाद किंवा विवादास्पद कोणतीही गोष्ट घडलेली नसताना 32 वर्षीय महिला सरपंचाने आत्महत्या का केली. यापाठी अन्य काही कारणे आहेत का याचा तपास सध्या पोलीस करत आहेत. Suicide of female sarpanch
तालुक्यातील पिंपर येथील 32 वर्षीय महिला उर्वी उदय मोरे हीने 3 मे रोजी दुपारी तणनाशक औषध घेतले. औषध घेतल्याने अत्यवस्थ झालेल्या उर्वीला घरच्यांनी तातडीने श्रृंगारतळीला येथील डॉ. राजेंद्र पवार यांच्या दवाखान्यात नेले. त्यांनी तातडीने उर्वीला डेरवण येथील रुग्णालयात उपचारासाठी पाठवले. तेथे उपचार घेत असताना 5 मे रोजी पहाटे 3.47 वाजता उर्वीचा मृत्यू झाला. उर्वीने विषारी औषध पीवून आत्महत्या केलेली असल्याची नोंद 5 मे रोजी सावर्डे पोलीस ठाण्यात करण्यात आली. त्यानंतर शुन्य क्रमांकाने या घटनेची माहिती गुहागर पोलीस ठाण्यात नोंदविण्यात आली आहे. सदर घटनेचा अधिक तपास व्ही. व्ही. वायंगणकर करीत आहेत. Suicide of female sarpanch
