गुहागर, ता. 22 : तालुक्यातील शृंगारतळीच्या रिगल कॉलेज मधील नर्सिंगच्या विद्यार्थीनींनी प्राथमिक आरोग्य केंद्र चिखलीला प्रत्यक्ष भेट दिली. यावेळी प्राथमिक आरोग्य केंद्रामध्ये डॉ. शशिकला गायकवाड, अधीपरिचारिका श्रीमती कांचन, आरोग्यसेवक श्री. कुंभार उपस्थित होते. त्यांनी हॉस्पिटलमध्ये असणाऱ्या वेगवेगळ्या विभागांची माहिती दिली. Students visited the primary health center
त्यामध्ये बाह्यरुग्ण विभाग, परिचारिका कक्ष, ऑपरेशन थिएटर, फार्मसी तसेच जनरल वॉर्ड, मेडिसिन स्टोअर रूम, इंजेक्शन-ड्रेसिंग रूम या विभागांमध्ये काम कसे चालते याचे ज्ञान विद्यार्थ्यांना दिले. लॅबोरेटरिजमध्ये असणाऱ्या वेगवेगळ्या टेस्टिंग, त्यांच्या मशीन्स आणि त्यांचा वापर या संदर्भात मार्गदर्शन केले. या प्रत्यक्ष भेटीमुळे विद्यार्थीनीना मेडिसिन साहित्य आणि वेस्ट मॅनेजमेंट याची माहिती मिळाली. Students visited the primary health center
तसेच विद्यार्थिनींच्या शैक्षणिक आणि सर्वांगीण विकासाला चालना मिळणार आहे. रिगल एज्युकेशन सोसायटीचे अध्यक्ष श्री. संजय शिर्के, संचालिका डॉ. सुमिता शिर्के, रिगल कॉलेज शृंगारतळीच्या प्राचार्या सौ. रेश्मा मोरे, नर्सिंग केयरच्या प्रा. सौ. साक्षी मोहिते यांचे मार्गदर्शन लाभले. Students visited the primary health center
