सुदैवाने सर्व सुखरुप, पोलीस ठाण्यात नोंद नाही
गुहागर, ता. 21 : शहरातील वरचापाट येथील तीव्र वळणावर चारचाकी वाहन एस.टी.वर येवून आदळले. या अपघातात चारचाकीचे नुकसान झाले असले तरी सुदैवाने कोणीही जखमी झाले नाही. सदर अपघातानंतर चारचाकीच्या मालकाने एस.टी.ला नुकसाभरपाई देवून प्रकरणावर पडदा टाकला. त्यामुळे पोलीस ठाण्यात या अपघाताची नोंद झालेली नाही. ST and four wheeler accident in Guhagar city
बुधवारी (ता. 21) दुपारी अनिल कृष्णा कदम आपल्या मालकीची चारचाकी (एम.एच.06 टी 6033 घेवून गुहागरकडून रानवीकडे जात होते. तर पिंपळवट गुहागर ही एस.टी. (क्र. एमएच 14 बी.टी.1586 ) आरेगावातून गुहागरच्या दिशेने येत होती. दोन्ही वहाने वरचापाट येथील तीव्र वळणात असताना चुकीच्या बाजुने आलेल्या अनिल कदम यांच्या वाहनाने एस.टी.ला धडक दिली. चुकीच्या दिशेने येणारी चारचाकी आपल्या एस.टी.वर आदळणार हे एस.टी. चालक देवरूखकर यांनी एस.टी. बाजुला घेवून थांबवली त्यामुळे धडकेची भिषणता खूप कमी झाली. यावेळी एस.टी.मध्ये प्रवासी व विद्यार्थी होते. सदर अपघातात दोन्ही वाहनांमधील कोणीही जखमी झाले नाही. ST and four wheeler accident in Guhagar city
अपघाताचे वृत्त कळताच एस.टी.चे अधिकारी घटनास्थळी पोचले. अंतर्गत पहाणी, पंचनामा, कार्यालयीन अहवाल आदी बनविण्यासाठी आवश्यक ती माहिती एस.टी.चे अधिकारी घेत होते. त्यावेळी चारचाकीचे मालक अनिल कदम यांनी पोलीस ठाण्यापर्यंत जाऊ नये. एस.टी.चे नुकसान भरुन देण्यास तयार आहे. असे अधिकाऱ्यांना सांगितले. सदर धडकेत एस.टी.चे किरकोळ नुकसान झालेले असल्याने या तडजोडीला एस.टी.चे अधिकारी तयार झाले. त्यामुळे सदर अपघाताची नोंद गुहागर पोलीस ठाण्यात कोणीही केलेली नाही. ST and four wheeler accident in Guhagar city
