सीमाशुल्क विभागाने केली कारवाई
गुहागर, ता. 25 : बाणकोट, ता. मंडणगड किनारपट्टीपासून ७५ नॉटिकल मैल अंतरावर सीमाशुल्क विभागाच्या पथकाकडून एक संशयास्पद बोट पकडण्यात आली. या शेळ्या, मेंढ्यांची तस्करी करणाऱ्या बोटीवर शुक्रवारी दि. २१ एप्रिल रोजी मध्यरात्री १ वाजण्याच्या दरम्यान कारवाई करण्यात आली. बोटीत ४ हजार शेळ्या मेंढ्या आढळल्या असून, याप्रकरणी १६ जणांना अटक करण्यात आली. ही बोट सिंधुदुर्गातून गुजरातकडे जात होती. Smuggling of goats and sheep by boat
शेळ्या, मेंढ्यांनी भरलेली बोट सिंधुदुर्ग जिल्ह्यातील विजयदुर्ग जेट्टीवरून गुरुवारी सकाळी निघणार असल्याची माहिती सीमा शुल्क विभागाला मिळाली होती. त्यानुसार सीमा शुल्क विभागाच्या अधिकाऱ्यांनी या बोटीचा पाठलाग सुरू केला. मात्र, पाच तासानंतर ही बोट संपर्क कक्षेच्या बाहेर गेली. त्यानंतर अन्य एजन्सींना याबाबत माहिती देऊन बोटीचा शोध सुरू करण्यात आला. त्यानंतर ही बोट बाणकोट किनारपट्टीपासून ७५ नॉटिकल मैल अंतरावर पकडण्यात आली. Smuggling of goats and sheep by boat
या बोटीची तपासणी केली असता बोटीत ४ हजार शेळ्या, मेंढ्या होत्या. या प्राण्यांची तस्करी करून गुजरातकडे नेण्यात येत होते. तस्करांनी बोटीची नोंदणी क्रमांक प्लेट बदलली असण्याची शक्यता व्यक्त होत आहे. त्यादृष्टीने तपास सुरू आहे. सीमाशुल्क विभागाचे उपायुक्त अमित नायक यांनी सांगितले की, ही बोटी जयगड (ता. रत्नागिरी) बंदरात आणण्यात आली आहे. बोटीची योग्य चौकशी करण्यात येणार आहे. शेळ्या-मेंढ्यांच्या सुरक्षित संगोपनासाठी जिल्हा प्रशासन सतर्क असल्याचे त्यांनी सांगितले. Smuggling of goats and sheep by boat
