जामसुत जांभुर्णेवाडी येथे श्री हनुमान जन्मोत्सव

यानिमित्त विविध कार्यक्रमाचे आयोजन

गुहागर, ता.03 : तालुक्यातील जामसुत जांभुर्णेवाडी येथे दि. ५ ते ७ एप्रिल २०२३ रोजी श्री हनुमान जन्मोत्सवाचे आयोजन करण्यात आले आहे. हा कार्यक्रम गुरुवर्य ह.भ.प. लेले महाराज यांच्या कृपाशीर्वादाने तसेच  श्री संत गोरोबाकाका सेवा मंडळ व संत जनाबाई महिला मंडळ जांभुर्णेवाडी जामसुत यांच्या वतीने विविध कार्यक्रमांनी साजरा करण्यात येणार आहे. तरी सर्वानी उपस्थित रहावे, असे आवाहन मंडळाकडून करण्यात आले आहे. Shri Hanuman Janmatsav at Jamsut

बुधवार दि. ४ एप्रिल रोजी सकाळी ८ वा. अभिषेक वीणापूजन व वै. गुरुवर्य ह.भ.प. लेले महाराज यांचा समाधी सोहळा, सकाळी १० वा. श्रीराम जप, सकाळी १०.३० वा. समाधी सोहळा, सायं. ७ वा. शेल्डी ता.खेड येथील ह.भ.प. शैलेश महाराज आंब्रे यांचे हरिकिर्तन, रात्रौ १० वा. श्री चिंतामणी संगीत कलामंच कौंढर काळसुर गुरववाडी यांचे संगीत भजन. गुरुवार दि. ६ एप्रिल रोजी सकाळी ६ वा. हनुमान जन्मकाळ, सकाळी ७ वा. पादुका पालखी मिरवणुक, सकाळी १० वा. श्रीसत्यनारायण महापूजा, दुपारी २ वा. हळदीकुंकू समारंभ, सायं ७ वा. ह.भ. प. आशुतोष महाराज सोंडकर (सोंडे ता.खेड) यांचे हरिकिर्तन, रात्रौ १०.३० वा. जय हनुमान भजनी भारुड मंडळ दहिवली खुर्द कुंभारवाडी ता. चिपळुण यांचे वगनाट्य- झुंज रक्ताच्या नात्याची. शुक्रवार दि. ७ एप्रिल रोजी सकाळी १० वा.  ह.भ.प. सचिन बुवा साळवी पेवे खरेकोंड यांचे काल्याचे किर्तन, सकाळी ११.वा. श्री सत्यनारायण महापूजा विसर्जन व कार्यक्रम समारोप, दुपारी १२ नंतर काल्याचा महाप्रसाद होणार आहे. Shri Hanuman Janmatsav at Jamsut

तरी या कार्यक्रमासाठी सर्वानी उपस्थित रहावे, असे आवाहन श्री संत गोरोबाकाका सेवा मंडळ संत जनाबाई महिला मंडळ जामसुत जांभुर्णेवाडी यांनी केले आहे. Shri Hanuman Janmatsav at Jamsut