गुहागर, ता. 01 : रत्नागिरी पोलीस दलाच्या “मिशन जीवन” उपक्रमांतर्गत गुहागर पोलीस स्टेशनच्या वतीने उमराठ येथील जून महिन्यात वाढदिवस असलेल्या १७ ज्येष्ठ नागरिकांचा प्रमाणपत्र व पुष्पगुच्छ देऊन वाढदिवसानिमित्त सन्मान करण्यात आला. हा कार्यक्रम मंगळवारी ग्रामपंचायत उमराठ कार्यालयात उत्साहात पार पडला. Senior citizen’s birthday in Umrath
रत्नागिरीचे पोलीस अधीक्षक यांच्या संकल्पनेतून राबविण्यात येणाऱ्या या उपक्रमांतर्गत जिल्ह्यातील ६५ वर्षांवरील ज्येष्ठ नागरिकांना वाढदिवसानिमित्त शुभेच्छा देऊन त्यांचा सन्मान केला जात आहे. तसेच ज्येष्ठ नागरिकांच्या मदतीसाठी रत्नागिरी पोलीस दलाकडून “मिशन प्रतिसाद” हा उपक्रमही सुरू असून त्याचा हेल्पलाईन क्रमांकही प्रमाणपत्रावर नमूद करण्यात आला आहे.
यावेळी राजश्री गावणंग, भागोजी गावणंग, शांताराम गोरिवले, गंगाराम गोरिवले, काशिराम गावणंग, रुक्मिणी गोरिवले, विनायक कदम, देवजी गावणंग, भागीरथी गावणंग, शुभद्रा धनावडे, प्रकाश पवार, देवजी गोरिवले, पांडुरंग गावणंग, गंगाय गावणंग, भिकू मालप, प्रभावती गावणंग आणि महादेव गावणंग अशा एकूण १७ ज्येष्ठ नागरिकांचा सन्मान करण्यात आला.
कार्यक्रमास गुहागर पोलीस स्टेशनतर्फे हेदवीचे पोलीस पाटील रवींद्र मोहित, ग्रामपंचायत उमराठचे प्रशासक जनार्दन आंबेकर, गुहागर पंचायत समिती सदस्य संदीप गोरिवले, ग्रामपंचायत अधिकारी सिद्धेश्वर लेंडवे तसेच ग्रामपंचायत कर्मचारी नितीन गावणंग, प्रशांत कदम आणि साईस दवंडे उपस्थित होते. कार्यक्रमाच्या यशस्वी आयोजनासाठी ग्रामपंचायत व पोलीस प्रशासनाने विशेष सहकार्य केले. Senior citizen’s birthday in Umrath
