अध्यक्षपदी संतोष रामचंद्र रहाटे यांची एकमताने निवड
रत्नागिरी, ता. 29 : रत्नागिरी जिल्हा तेली समाज सेवा संघ उपशाखा संगमेश्वर तालुका तेली समाज सेवा संघ तालुका संगमेश्वरची नवीन तालुका कार्यकारिणी निवड करण्यासाठी बैठक चिंतामणी मंगल कार्यालय, देवरुख येथे आयोजित करण्यात आली होती. या बैठकीला संगमेश्वर तालुक्यातील तेली समाज मोठ्या संख्येने उपस्थित होते. Sangameshwar Teli Samaj new Executive
जिल्हा संघाच्या वतीने जिल्हाध्यक्ष रघुवीर शेलार, जिल्हा खजिनदार दिनेश नाचणकर, जिल्हा संघटक मनोहर रहाटे, अंतर्गत हिशेब तपासनीस अनंत भडकमकर, जिल्हा सेवा आघाडी अध्यक्ष काशिनाथ सकपाळ, म.प्रां.तै.महासभा कोकण विभाग महिला अध्यक्षा प्रियंका भोपळकर इत्यादी पदाधिकारी उपस्थित होते. सचिव हरिश्चंद्र पवार यांनी प्रास्ताविक केले. तर तालुका अध्यक्ष संतोष पावसकर यांनी आपल्या कारकिर्दीत केलेल्या कार्याचा सविस्तर आढावा घेतला. सामाजिक बांधिलकी व संघटना या विषयावर संदिप पवार, बबनशेठ किर्वे, दिनेश नाचणकर, रघुविर शेलार, यांनी मौलिक मार्गदर्शन केले. सभागृहातून भाई लांजेकर,मनोहर रहाटे,अविनाश आंब्रे, दिलीपशेठ रहाटे, राजाराम विभुते, इत्यादींनी चर्चेत सहभागी होऊन वातावरण निर्मिती केली. Sangameshwar Teli Samaj new Executive
यावेळी संगमेश्वर तालुका नुतन अध्यक्ष म्हणून संतोष रामचंद्र रहाटे यांची उपस्थित सर्वानुमते निवड करण्यात आली. उपाध्यक्ष म्हणून भाई लांजेकर, महादेव रहाटे, दिपक सकपाळ, सचिवपदी योगेश चव्हाण, खजिनदार सदाशिव रहाटे, सल्लागार बबन किर्वे, संदिप पवार यांच्यासह अन्य सदस्य घेऊन बेसिक कार्यकारिणी निवड करण्यात आली. तसेच तालुका महिला अध्यक्षा म्हणून दिपीका किर्वे यांच्यासह नवीन व जुन्या महिला भगिनींना सहभागी करून महिला कार्यकारणी तर तालुका युवक अध्यक्ष म्हणून प्रविण महादेव रहाटे यांच्यासह नवीन दमाच्या दमदार युवकांना सहभागी करून घेत युवक कार्यकारणीची निवड करण्यात आली. या सर्व बेसिक, महिला, युवक कार्यकारिणीमध्ये निवड करण्यात आलेल्या सर्व पदाधिकारी यांचे अभिनंदन करण्यात आले. व पुढील यशस्वी वाटचालीसाठी शुभेच्छा देण्यात आल्या. Sangameshwar Teli Samaj new Executive
