महसूल व विविध शासकीय योजनांचा लाभ एकाच ठिकाणी
गुहागर, ता. 24 : गुहागर विधानसभा मतदारसंघांतर्गत ‘छत्रपती शिवाजी महाराज महसूल समाधान शिबिर’ मुख्यमंत्री यांच्या वाढदिवसानिमित्त तसेच माजी उपमुख्यमंत्री स्वर्गीय अजितदादा पवार यांच्या जयंतीचे औचित्य साधून बुधवार, दि. 29 जुलै रोजी आयोजित करण्यात आले आहे. हे शिबिर श्री पूजा सेवा मंगल कार्यालय, गुहागर येथे सकाळी 10 ते सायंकाळी 5 या वेळेत होणार आहे. ‘Revenue Satisfaction Camp’ in Guhagar
महसूल व इतर शासकीय विभागांच्या सेवा तळागाळातील नागरिकांपर्यंत प्रभावीपणे पोहोचाव्यात, या उद्देशाने या शिबिराचे आयोजन करण्यात आले आहे. शिबिरात अकृषिक रूपांतरण, अधिकार अभिलेख अद्ययावतीकरण, तुकडेबंदी कायद्यातील सुधारणा, विविध शासकीय योजना, सेवा व माहिती याबाबत मार्गदर्शन आणि लाभ देण्यात येणार आहेत. ‘Revenue Satisfaction Camp’ in Guhagar
तसेच महसूल, कृषी, पंचायत समिती, नगरपंचायत, भूमी अभिलेख, आरोग्य, ग्रामीण रुग्णालय, एकात्मिक बाल विकास सेवा योजना, वन विभाग, नोंदणी व मुद्रांक विभाग, सहाय्यक निबंधक सहकारी संस्था आदी विभागांचे अधिकारी उपस्थित राहून विविध दाखले, माहिती व योजनांचा लाभ नागरिकांना उपलब्ध करून देणार आहेत.
ग्रामीण भागातील नागरिक, शेतकरी, महिला आणि विद्यार्थ्यांनी या शिबिराचा लाभ घ्यावा, असे आवाहन गुहागर विधानसभा मतदारसंघाच्या उपविभागीय अधिकारी वैशाली पाटील यांनी केले आहे. ‘Revenue Satisfaction Camp’ in Guhagar
