आरक्षित तिकिटे मिळवण्यासाठी तिकीट खिडक्यांवर झुंबड उडणार
गुहागर, ता. 02 : यंदा १४ सप्टेंबरपासून गणेशोत्वाची लगबग सुरू होणार आहे. या पार्श्वभूमीवर गणेशोत्सवात धावणाऱ्या रेल्वेगाडयांचे आरक्षण ३ जुलैपासून खुले होणार आहे. १४ सप्टेंबर रोजी गणेशचतुर्थी असल्याने ११ सप्टेंबरपासूनची आरक्षित तिकिटे मिळवण्यासाठी तिकीट खिडक्यांवर झुंबड उडणार आहे. Railway reservations for Ganeshotsav
गणेशोत्सवातील रेल्वेगाड्यांचे आरक्षण ६० दिवस अगोदर खुले होते. त्यानुसार ३ जुलैपासून आरक्षण खुले होत असल्याने गणेशभक्तांच्या नजरा त्याकडे लागल्या आहेत. १ सप्टेंबरच्या प्रवासाचे आरक्षण ३ जुलै रोजी खुले होणार आहे. यानंतर तारखनिहाय आरक्षण खुले होणार आहेत. गणेशचतुर्थीच्या दिवशीचे म्हणजे १४ सप्टेंबरचे आरक्षण १६ जुलै रोजी खुले होईल. रेल्वे प्रशासनाने आरक्षण व प्रवासाच्या तारखा जाहीर केल्या असल्या तरी गणेशोत्सव कालावधीत नेमक्या किती स्पेशल गाड्या चालवणार हे अद्याप स्पष्ट केलेले नाही. Railway reservations for Ganeshotsav
