शृंगारतळी बारा ज्योतिर्लिंग दर्शन कार्यक्रमांमध्ये “सुखी परिवाराची आधारशीला नारी ” या विषयावर व्याख्यान
गुहागर, ता. 18 : ब्रह्माकुमारीज विद्यालय शृंगारतळी गुहागरद्वारे आयोजित बारा ज्योतिर्लिंग दर्शन कार्यक्रमांमध्ये “सुखी परिवाराची आधारशीला नारी ” या विषयावर मार्गदर्शन डॉक्टर सचिन परब यांनी केले. यावेळी ते म्हणाले की, नारीने स्वतः प्रती जागरूक राहणं खूप गरजेचं आहे. आपल्या सकारात्मक विचारांच्या द्वारे परिवारांमधलं वातावरण आपण कसं बदलवू शकतो याचं प्रात्यक्षिक ही त्यांनी केले. नारी सशक्त कशी बनू शकते, भोजन बनवताना आपले विचार सकारात्मक ठेवल्याने आपलं शारीरिक व मानसिक संतुलन कसे घडू शकते. यावरही त्यांनी मार्गदर्शन केले. Program for women by Brahmakumaris Vidyalaya
यासाठी खास चिपळूण येथून आलेल्या दीपा बहनजीनी यांनी विद्यालयाचा परिचय करून दिला. या कार्यक्रमासाठी प्रमुख पाहुण्या म्हणून उपस्थित असलेल्या डॉक्टर विनिता नातू यांनीही आपले मनोगत ब्रह्माकुमारीज विद्यालयाविषयी व्यक्त केले . कार्यक्रमाच्या शेवटी गुहागर सेवा केंद्र संचालिका शिल्पा बहनजी यांनी सर्वांचे आभार मानले. तसेच कार्यक्रमाचे सूत्रसंचालन दापोलीच्या सारिका बहनजी यांनी केले. यावेळी गुहागर व शृंगारतळी मधील ७०-८० महिलांनी याचा लाभ घेतला. Program for women by Brahmakumaris Vidyalaya
