पालशेत पोमेंडी फाटा ते मारुती मंदीर रस्त्याची दुरावस्थेबाबत
गुहागर, ता. 22 : तालुक्यातील पालशेत पोमेडीफाटा ते मारुती मंदीर रस्त्याची दुरावस्था झाली आहे. या रस्त्याची तातडीने दुरुस्ती करावी, अन्यथा महाराष्ट्र नवनिर्माण सेना नागरिकांना सोबत घेऊन आंदोलन छेडण्यात येईल, असा इशारा मनसेचे विभाग अध्यक्ष प्रसाद विखारे यांनी निवेदाद्वारे सार्वजनिक बांधकाम उप विभाग यांना दिला आहे. Palshet Pomendi Road Dilapidation
मोडका आगर ते तवसाळ रस्ता सा.बां. उपविभागाकडे आहे. या रस्त्याच्या दुरुस्ती संद्‌र्भात मागील १७ जूलै रोजी पत्रव्यवहार करण्यात आला होता. परंतु, याची दखल घेतली गेली नाही. या मार्गावरून सतत पर्यटकांची ये – जा सुरु असते. त्यामुळे पर्यटन वाढीसाठी या रस्त्याची तात्काळ दुरुस्ती करणे गरजेचे आहे. येत्या सात दिवसात रस्त्याची दुरुस्तीचे काम पुर्ण न झाल्यास महाराष्ट्र नवनिर्माण सेना नागरिकांना सोबत घेऊन रस्त्यावर उतरेल, असा इशारा या निवेदाद्वारे देण्यात आला आहे. हे निवेदन देण्यासाठी कोंडकारुळ विभाग अध्यक्ष प्रसाद विखारे, सचिव श्रीराम विचारे, गुहागर शहराध्यक्ष नवनाथ साखरकर आदी उपस्थित होते. Palshet Pomendi Road Dilapidation
