अग्निपथ योजनेतून तरुण पिढीला मोठी संधी

माजी आ. डॉ. विनय नातू ; दुर्गादेवी नवरात्रौत्सवानिमित्त कार्यक्रम

गुहागर, ता. 06 : केंद्र सरकारच्या अग्निपथ योजनेतून तरुण पिढीला मोठी संधी निर्माण झाली आहे. तरुणांना सैन्य भरतीसाठी आवश्यक प्रशिक्षण देण्यासाठी सर्व शैक्षणिक संस्थांनी एकत्रित आले पाहिजे, असे आवाहन माजी आमदार डॉ. विनय नातू यांनी केले. दुर्गादेवी देवस्थान वतीने शारदीय नवरात्रौत्सवानिमित्त माजी सैनिक व एनसीसी पथकाचा विशेष सत्कार समारंभ आयोजित करण्यात आला होता. यावेळी ते बोलत होते. Opportunity through Agneepath scheme

डॉ. विनय नातू पुढे म्हणाले की, आज केवळ सैनिकांवर देशाच्या संरक्षणाची जबाबदारी सोपवून बिनधास्त राहून चालणार नाही. तर सागरी सीमा आपल्या जवळ आहेत. दहशतवाद लक्षात घेऊन सर्वांनी सतर्क राहिले पाहिजे. त्रिदल सैनिक संघ बीडचे जिल्हाध्यक्ष अंकुश खोटे यांनी माजी सैनिकांनी एकत्र येऊन आपल्यावर होणाऱ्या अन्यायविरुद्ध लढण्यासाठी एकत्र आले पाहिजे. यासाठी त्रिदल सैनिक संघ कायम आपल्या बरोबर राहील असे त्यांनी सांगितले. दुर्गादेवी देवस्थानने सर्व माजी सैनिकांच्या घरी पोहोचून आमची दखल घेतली याबत माजी सैनिक राजेश कोळवणकर यांनी आभार मानले. Opportunity through Agneepath scheme

यावेळी दुर्गादेवी देवस्थानचे अध्यक्ष किरण खरे, त्रिदाल सैनिक संघाचे अंकुश खोटे, संदीप लगड, विनोद कासार, हाजीमलंग शेख, गुहागर भाजपचे तालुकाध्यक्ष निलेश सुर्वे, केदार साठे, तालुका होमगार्ड समादेशक सुधाकर कांबळे, देवस्थानचे विश्वस्त डॉ. आनंद खरे, संतोष मावळणकर, अतुल फडके, अद्वेत गोखले, अमोद गोळे आदी उपस्थित होते. Opportunity through Agneepath scheme