गुहागर, ता. 17 : शहरातील खरे ढेरे भोसले महाविद्यालयाचा राज्यशास्त्र विभाग आणि गुहागर न्यूज यांच्या संयोजनातून घरबसल्या पत्रकारिता शिकण्याची संधी हा एक महिन्याचा प्रमाणपत्र अभ्यासक्रम सुरु होत आहे. तरी सामाजिक माध्यमांमध्ये लिखाण करणाऱ्या आणि वेगवेगळ्या विषयावर लिखाण करणाऱ्या व्यक्तिंनी या अभ्यासक्रमासाठी प्रवेश निश्चित करावा. असे आवाहन महाविद्यालयाचे प्रभारी प्राचार्य डॉ. अनिल सावंत यांनी केले आहे.
आज एखादा विषय सर्वांपर्यंत पोचविण्यासाठी स्मार्ट फोन हे प्रभावी माध्यम झाले आहे. फेसबुक, व्हॉटसॲप आदी सामाजिक माध्यमांमध्ये व्यक्त होण्याची इच्छा सर्वांचीच असते. आजुबाजुला घडणाऱ्या गोष्टी आपल्या नातेवाईकांपर्यंत, मित्रमैत्रीणींपर्यंत पोचवाव्या असे मनापासून वाटते. पण मनातील भावना योग्य पध्दतीने व्यक्त कशा करायच्या असा प्रश्र्न पडतो. या प्रश्र्नाचे उत्तर मिळवून देण्यासाठीच खरे ढेरे भोसले महाविद्यालयाच्या राज्यशास्त्र विभाग आणि गुहागर न्यूजने घरबसल्या पत्रकारिता हा ऑनलाईन प्रमाणपत्र अभ्यासक्रम शिकण्याची संधी उपलब्ध करुन दिली आहे.
या अभ्यासक्रमामध्ये पत्रकारितेशी निगडीत सर्व विषयांची ओळख, त्यातील बारकावे शिकवले जाणार आहेत. त्यामुळे विद्यार्थ्यांना पत्रकारिता क्षेत्र निवडायचे असेल तर प्राथमिक ज्ञानही मिळणार आहे. 20 सप्टेंबर ते 20 ऑक्टोबर या कालावधीत रोज सायंकाळी 5 ते 6 ही या अभ्यासक्रमाची वेळ आहे. प्रत्येक आठवड्याला एक याप्रमाणे पत्रकारीतेचे चार भाग (मॉड्युल्स्‌) शिकवले जातील. या अभ्यासक्रमामध्ये प्रवेश घेण्यासाठी वयाची अट नाही. महाविद्यालयीन विद्यार्थ्यांना रु. 200 व अन्य व्यक्तींसाठी रु. 350 प्रवेश फी आहे. प्रवेशाची अंतिम तारीख 5 सप्टेंबर 2021 आहे. तरी या लवकरात लवकर आपला प्रवेश निश्चित करावा असे आवाहन महाविद्यालयाचे प्रभारी प्राचार्य डॉ. अनिल सावंत यांनी केले आहे.
अधिक माहितीसाठी संपर्क
प्रा. विराज महाजन : 7066840767 प्रा. पद्मनाभ सरपोतदार : 8010069425
प्रवेश अर्ज भरण्यासाठी खालील लिंकवर क्लिक करा.
https://forms.gle/HhDDoASULPkgQ3886
