अण्णा जाधव हल्ला प्रकरणी बदलापूर येथून एकाला ताब्यात

गुहागर, ता. 12 : गुहागर विधानसभा निवडणूकीच्या दरम्यान वंचित आघाडीचे जिल्हाध्यक्ष विकास उर्फ अण्णा जाधव यांच्यावर  गुहागर तालुक्यातील नरवण येथे धारदार चाकूच्या साह्याने प्राणघातक हल्ला करण्यात आला होतो. या हल्ल्यामुळे तालुक्यात खळबळ माजली होती. या हल्ल्याप्रकरणी गुहागर पोलिसांनी मुंबई बदलापूर येथून गुन्हे अन्वेषण शाखेकडून  फरार असलेल्या संदीप पवार याला चौकशीसाठी ताब्यात घेण्यात आले आहे.  One arrested in Anna Jadhav attack case

गुहागर विधानसभा मतदारसंघातील निवडणूक अतिशय चुरशीची ठरली होती. अशा मध्येच हल्ला करण्याची पहिलीच घटना तालुक्यात घडली होती. विकास उर्फ अण्णा जाधव यांच्यावर प्राणघात हल्ला केल्याने या निवडणुकीला गालबोट लागला होता. गुहागर तालुक्यातील नरवण येथील हॉटेल सावली येथे विकास जाधव हे दि. 17 नोव्हेंबर 2024 रोजी पत्नी व आपल्या सहकाऱ्यांसोबत चहा घेत होते. त्यांना फोन आल्याने ते उठून बाहेर गेले. याचवेळी दुचाकीस्वारावर दोघेजण पुढे येऊन एका उमेदवाराचं नाव घेऊन यांच्या विरोधात बोलतोस का असं बोलून धारदार शस्त्राने वार केला. पोटावर होणारा वार हात पुढे केल्याने हातावर निभावल्याने मोठ्या प्रमाणावर जखम झाली. तसेच त्यांच्या गाडीवर देखील दगड मारून नुकसान करण्यात आले होते. दरम्यान, हि घटना लक्षात येताच पत्नी आणि सहकारी बाहेर येताच मारेकरी दुचाकीने पसार झाले होते. जखमी जाधव यांच्यावर गुहागर ग्रामीण रुग्णालयामध्ये तातडीने उपचार करण्यात आले होते. One arrested in Anna Jadhav attack case

दरम्यान, गुहागर पोलिसांना या गुन्ह्यातील दोघांना काही महिन्यांपूर्वी मुंबईतून ताब्यात घेतले होते. तर फरार असलेल्या संदीप पवार याला बदलापूर येथून गुन्हे अन्वेषण शाखेकडून ताब्यात घेतले आहे. याप्रकारणी अधिकारी तपास पोलीस निरीक्षक सचिन सावंत यांच्या मार्गदर्शनाखाली पोलीस उपनिरीक्षक सुजित सोनावणे करत आहेत. One arrested in Anna Jadhav attack case