ऑफ्रोहचे सात दिवसांपासून सुरूअसलेले आमरण उपोषण स्थगित
गुहागर, ता.04 : जिल्हाधिकारी कार्यालयासमोर 26 सप्टेंबर पासून सुरू असलेल्या ऑर्गायझेशन फॉर राइट्स ऑफ ह्यूमन (ऑफ्रोह) (Ofrah) महाराष्ट्र, शाखा रत्नागिरी (ऑफ्रोह) च्या आमरण उपोषणाच्या मंडपाला महाराष्ट्र राज्याचे उद्योगमंत्री व रत्नागिरी जिल्हाचे पालकमंत्री ना. उदय सामंत यांनी भेट दिली. आपल्या संघटनेच्या मागण्या पूर्ण करण्यासाठी मी स्वतः मुख्यमंत्री एकनाथ शिंदे यांच्याकडे पाठपुरावा करण्याचे आश्वासन दिल्यानंतर ऑफ्रोहचे गेल्या सात दिवसांपासून सुरू असलेले आमरण उपोषण स्थगित करण्यात आले. Ofroh’s fast suspended
यावेळी ना. सामंत यांना संघटनेच्या वतीने यापूर्वी निवेदन दिल्याची आठवण करून दिली. ऑफ्रोह संघटनेच्या अधिसंख्य पदाच्या मागण्यांबाबत कॅबिनेट मिटिंगमध्ये लवकरात लवकर निर्णय घेणेबाबत ऑफ्रोहच्या वतीने त्यांना विनंती करण्यात आली. यावर ना. उदय सामंत यांनी सांगितले की, तुमच्या मागण्यांच्या निवेदनावर मी तात्काळ मुख्यमंत्री व उपमुख्यमंत्री यांना पत्र दिले. तसेच जर हा तुमचा प्रश्न सुटला नाही तर मी मुंबई येथे गेल्यानंतर रत्नागिरी जिल्ह्याच्या पालकमंत्री म्हणून स्वतः मुख्यमंत्री यांच्यासोबत आपल्या संघटनेसोबत स्वतंत्र मिटिंग घेऊन या विषयावरती निर्णय होईल. असा प्रयत्न करतो, असे आश्वासनही त्यांनी यावेळी दिले. तरी आज शासनाचे मंत्री व पालकमंत्री म्हणून माझी उपोषणकर्त्यांना व पदाधिकारी यांना विनंती आहे की, त्यांनी आमरण उपोषण थांबवावे. ना. सामंत यांच्या विनंतीला मान देऊन सात दिवसांपासून सुरू असलेले हे आमरण उपोषण स्थगित करण्यात येत असल्याचे जिल्हाध्यक्ष गजेंद्र पौनीकर यांनी यावेळी सांगितले. Ofroh’s fast suspended
यावेळी ऑफ्रोहच्या वतीने महिला आघाडीच्या जिल्हाध्यक्ष ऊषा पारशे यांनी सामंत यांना पुष्पगुच्छ दिले. उपोषणकर्त्यांमध्ये गजेंद्र पौनीकर, नंदा राणे, विलास देशमुख, देवकीनंदन सपकाळे, शिला देशमुख, सुरेखा घावट, प्रियंका इंगळे यांचा समावेश होता. या आमरण उपोषणाच्या आंदोलनासाठी महिला आघाडीच्या जिल्हाध्यक्षा सौ. उषा पारशे, ऑफ्रोहचे जिल्हा उपाध्यक्ष सिंधूताई सनगळे, सचिव बापुराव रोडे, कोषाध्यक्ष किशोर रोडे, सहसचिव सुनंदा देशमुख, पंडित सोनवणे, विलास घावट, अरुण बाविस्कर, बळीराम भगत, कमल वडाळ, लता वडाळ, हेमराज सोनकुसरे, दिलीप कडू, गजानन उमरेडकर, अर्चना उमरेडकर, राजेश सनगळे, राजकन्या भांडे, श्रीकृष्ण भांडे, विश्वास फुकट, प्रमोद सोनकुसरे, गजानन खडसे, नारायण गाजूलवार, विलास घावट, निकिता देशमुख, विलास खेडकर, बंडू चेचरे, वैश्नवी चेचरे, वनमाला भगत, सुनिता टापरे, प्रमिला घावट, वंदना चेचरे, मिना सोनवणे यांनी सहकार्य केले. Ofroh’s fast suspended
