ठाकरे गट, राष्ट्रवादी काँग्रेसला दणका
गुहागर, ता. 10 : बाळासाहेबांच्या शिवसेनेमध्ये राज्यात दिवसेंदिवस वाढ होत असल्याचे चित्र गुहागर तालुक्यात पहायला मिळत आहे. तालुक्यातील निवोशी गावातील पाचही वाड्यांनी ग्रामस्थांनी एकमुखी आपण बाळासाहेबांच्या शिवसेने सोबत असल्याचे सांगून ते लवकरच आमच्या पक्षात जाहीरपणे प्रवेश करतील, असे बाळासाहेबांची शिवसेना पक्षाचे तालुका प्रमुख दिपक कनगुटकर यांनी सांगितले. Nivoshi villagers in Balasaheb’s Shiv Sena
गुहागर तालुका बाळासाहेबांच्या शिवसेनेत जाहीर प्रवेश केल्यानंतर ॲड. सुशिल अवेरे यांनी आपल्या कामाला सुरुवात करतानाच गावातील ग्रामस्थांना विश्वासात घेवुन पाचही वाड्यांतील ग्रामस्थांना बाळासाहेबांच्या शिवसेनेत आणले आहे. आपल्या गावात अनेक सुशिक्षित मुले असुन त्यांना नोकरीची अत्यंत गरज आहे. तसेच त्यांनी रोजगाराकरीता शेतीसह काही उद्योग करायचा म्हटल्यास रस्ते, पाणी याचबरोबर विजेचा मोठा प्रश्न आहे. व तो सोडविण्याची मागणी अनेकांकडे करण्यात आली. मात्र ती पालकमंत्री व उद्योगमंत्री उदय सामंत हेच पुर्ण करतील असा ठाम विश्वास दाखवत पाठिंबा जाहीर केला. Nivoshi villagers in Balasaheb’s Shiv Sena
यावेळी तालुकाप्रमुख दिपक कनगुटकर, संतोष आग्रे, सुशील अवेरे, मनिष मोरे, संदेश कचरेकर आदि पदाधिकारी तसेच गावातुन आबा अवेरे, अर्जुन अवेरे, किरण अवेरे, शांताराम मांडवकर, लक्ष्मण मांडवकर, सखाराम सोलकर, बाबाजी अवेरे व संदेश अवेरेसह नानेवाडी, भेलेवाडी, कातळवाडी व गणेशवाडीतील अनेक ग्रामस्थ उपस्थित होते. Nivoshi villagers in Balasaheb’s Shiv Sena
