रत्नागिरी, ता. 06 : राष्ट्रीय स्वयंसेवक संघ, जन कल्याण समितीच्या दक्षिण रत्नागिरीतील रुग्णोपयोगी साहित्य केंद्राला अमेरिकेतील नामांकित औषध कंपनीचे संचालक डॉ. चंद्रशेखर निमकर यांनी भेट दिली. Nimkar’s visit to Public Welfare Committee
डॉ. निमकर हे रत्नागिरीत आले असता, त्यांनी जनकल्याण समितीचे काम कसे चालते, याबाबत माहिती करून घेण्यासाठी समितीला भेट दिली. यावेळी कार्यवाह मंदार जोशी, उपाध्यक्ष श्री. दळवी, महेश नवेले, श्री. कांबळे, जाणीव फाउंडेशनचे प्रमुख महेश गर्दे आणि अवधूत मुळ्ये उपस्थित होते. Nimkar’s visit to Public Welfare Committee
विशेष म्हणजे भेटीला येताना डॉ. निमकर हे व्हीलचेअर घेऊन आले. डॉ. निमकर यांचे सामाजिक कार्य सुद्धा खूप मोठे असून मुख्य म्हणजे ते अनेक वर्षांपासून रा. स्व. संघ स्वयंसेवक आहेत. जन कल्याण समितीच्या भेटीच्या वेळी काही उपक्रम सुरू करण्यावर त्यांनी चर्चा केली. त्याचबरोबर प्लॅस्टिक संकलन करुन त्यावर प्रक्रिया करून उपउत्पादने निर्माण करता येण्याबाबत सविस्तर माहिती दिली. याबाबत डॉ. निमकर स्वतः काम करत असून रत्नागिरीतसुद्धा काही करता येईल का, याबाबत विस्तृत व सकारात्मक चर्चा झाली. शिक्षण, आरोग्य पर्यावरणविषयक उपक्रम करण्याची खूप मोठी संधी आहे, असे त्यांनी सांगून लवकरच नवीन उपक्रम सुरू करण्याबाबत आश्वासित केले. Nimkar’s visit to Public Welfare Committee
