गुहागर येथे पुन्हा उद्या NCMC कॅम्पचे आयोजन
गुहागर, ता. 20 : बाजारपेठेतील भारतीय जनता पार्टी च्या नगरसेविका सौ विशाखा सोमण यांच्या माध्यमातून एसटी महामंडळाचे NCMC कार्ड काढण्यासाठी आज कॅम्प घेण्यात आला. सदर कॅम्पला नागरिकांचा उत्स्फूर्त प्रतिसाद मिळाला असून 44 ग्रामस्थांनी त्याचा लाभ घेतला. तसेच सगळ्यांची नोंदणी प्रक्रिया पूर्ण न झाल्याने उद्या सकाळी 11 वा पुन्हा कॅम्प घेण्यात येणार आहे. NCMC camp at Guhagar
महाराष्ट्र राज्य मार्ग परिवहन महामंडळाने एसटीने प्रवास करणाऱ्या प्रवाशांना आधुनिक सुविधा देण्याच्या उद्देशाने NCMC Card NCMC (National Common Mobility Card) सेवेची सुरुवात केली आहे. हे कार्ड प्रवाशांचा प्रवास अधिक सुखकर आणि कॅशलेस बनवणार आहे. यापुढे विविध सामाजिक सवलतींचा लाभ घेण्यासाठी हे स्मार्ट कार्ड अनिवार्य असणार आहे. NCMC camp at Guhagar
एस.टी.चा हा निर्णय म्हणजे परंपरागत प्रवास व्यवस्थेला डिजिटल स्पर्श देणारा टप्पा आहे. तिकीट हातात आणि सुट्या पैशांची चिंता या जुन्या गोष्टी आता इतिहासजमा होत आहेत. नव्या युगात, एका स्मार्ट कार्डच्या स्पर्शाने प्रवास अधिक सुलभ, सुरक्षित आणि पारदर्शक होणार आहे. NCMC camp at Guhagar
