गुहागर, ता. 30 : महाराष्ट्र नवनिर्माण सेनेच्या (Maharashtra Navnirman Sena) गुहागर तालुक्यातील नूतन पदाधिकांरी तसेच नवनिर्वाचित ग्रामपंचायत सदस्य यांची नियुक्ती करण्यात आली. याबाबत शृंगारतळी येथील गुहागर तालुका मनसे संपर्क कार्यालय येथे त्यांचा सत्कार करण्यात आला. MNS’s new office bearers felicitated
गुहागर तालुका संपर्क अध्यक्ष प्रमोद गांधी, तालुकाध्यक्ष विनोद जानवलकर, संहसंपर्क अध्यक्ष समिर जोयशी यांच्या नेतृत्वाखाली रानवी शाखा अध्यक्ष सुहास चोगले, पिंपर शाखा अध्यक्ष राकेश रामचंद्र मोरे, वेलदुर शाखा अध्यक्ष सिद्धांत पाटील, कौंढर गट अध्यक्ष सचिन जोयशी यांची नियुक्ती करण्यात आली. यावेळी गुहागर तालुक्यातील मनसेचे ग्रामपंचायत सदस्या निवडून आलेल्या वैभवी विनोद जानवळकर ( ग्रा. जानवळे), रजनी रविंद्र कदम, वर्षा विलास शितप, सचिन नारायण जोयशी, विनेश सीताराम तांबे (ग्रा. कौंढर काळसुर) या सर्व सदस्यांचा अभिनंदन पत्र देऊन सन्मान करण्यात आला. MNS’s new office bearers felicitated
यावेळी मनसे तालुका अध्यक्ष विनोद जानवळकर यांनी सर्व निवडून आलेल्या ग्रामपंचायत सदस्यांचे कौतुक करून सदस्य पदाचा उपयोग जास्तीत जास्त आपल्या प्रभागातील जनतेसाठी करण्याचे आवाहन केले. तालुका संपर्क अध्यक्ष प्रमोद गांधी यांनी कार्यकर्त्यांना मार्गदर्शन करताना सांगितले की, गुहागर तालुक्यात मनसेच्या पक्षाची ताकद व संघटन वाढत आहे. युवा वर्ग मनसेकडे आकर्षित होत आहे. नागरिकांच्या न्याय- हक्कासाठी मनसे सतत लढा देत आहे. मनसेचे अध्यक्ष राजसाहेब ठाकरे यांच्या आदेशानुसार’ “गाव तेथे मनसे शाखा ‘अभियान सुरू झाले आहे. घराघरात मनसे पोहोचविण्याचे काम सर्व कार्यकत्यांनी करायचे आहे. निवडुन आलेल्या प्रभाग सदस्यांनी प्रभागामध्ये नागरिकांसाठी काम करायचे आहे. प्रभागातील समस्या जाणून घेतल्या पाहीजेत. निवडून आलेल्या प्रत्येक सदस्यांनी मासिक व ग्रामसभेला उपस्थित राहुन नागरिकांचे प्रश्न मांडले पाहिजेत तरचं तो सदस्य पुढील काळासाठी सरपंचपदापर्यंत पोहोचू शकतो. तसेच नवीन नियुक्त झालेल्या पदाधिकाऱ्यांनी मनसे पक्ष वाढविण्यासाठी काम केले पाहिजे, असे आवाहन केले. MNS’s new office bearers felicitated
यावेळी विद्यार्थी सेना तालुका अध्यक्ष सागर शिरगावकर, उपतालुका अध्यक्ष सचिन जोयशी, शाखा अध्यक्ष सुनिल मुकनाक, ज्येष्ठ महाराष्ट्र सैनिक विक्रम जोयशी, राहुल जाधव, विवेक जानवळकर तसेच महाराष्ट्र सैनिक उपस्थित होते. MNS’s new office bearers felicitated
