गुहागर, ता. 18 : ग्राहकांना तत्पर आणि विनम्र सेवा देणाऱ्या श्री समर्थ भंडारी नागरी सहकारी पतसंस्था मर्या. चिपळूण या संस्थेच्या शिरगांव येथे मिनी एटीएम सेवा सुरु करण्यात आली आहे. या सेवेचे उदघाटन संस्थेचे संचालक श्री. सुहास भोसले यांचे हस्ते करण्यात आले. Mini ATM Service at Bhandari Credit Union Shirgaon
या मिनी एटीएमची सेवा बॅकेच्या एटीएम प्रमाणेच असुन सर्व बॅकेचे एटीएम कार्डव्दारे पैसे काढण्याची तसेच आधारकार्ड व्दारे पैसे काढण्याची सोय या मशिनमध्ये उपलब्ध आहे. संस्थेची शिरगांव हे मध्यवर्ती ठिकाण असून सदरची सेवा उपलब्ध केल्यामुळे त्याचा फायदा बँकेच्या व संस्थेच्या स्थानिक ग्राहकांना होणार आहे. सदरची सेवा सकाळी ९.३० ते सायंकाळी ६.३० या वेळेत उपलब्ध रहाणार असुन या एटीएम सेवेचा लाभ शिरगांव वासियांनी घ्यावा, असे आवाहन संस्थेचे संस्थापक अध्यक्ष श्री. प्रभाकर आरेकर यांनी केले आहे. Mini ATM Service at Bhandari Credit Union Shirgaon
यावेळी मिनी एटीएम सेवा टप्याटप्याने संस्थेच्या सर्व शाखांमध्ये सुरु करण्यात येणार असल्याची माहिती श्री. प्रभाकर आरेकर यांनी दिली. यावेळी शिरगांव मधील प्रतिष्ठीत व्यापारी व शाम खेतले, उध्दव देवळेकर, राजाराम सावंत, विनायक भोसले, दत्ताराम आदावडे, अतुल भोसले आदी उपस्थितीत होते. Mini ATM Service at Bhandari Credit Union Shirgaon
