वेळणेश्र्वर हायस्कुल, दहावीच्या विद्यार्थ्यांचे उद्बोधन
गुहागर, ता. 28 : दहावीच्या विद्यार्थ्यांची बोर्ड परिक्षेविषयी तयारी व्हावी म्हणून साथ साथ चॅरीटेबल ट्रस्टच्या सहयोगाने वेळणेश्र्वर हायस्कुलमध्ये पूर्वतयारी मार्गदर्शन शिबीराचे आयोजन करण्यात आले आहे. आनंददायी अभ्यास करत हक्काचे गुण कसे मिळवावेत. कठीण विषयांचा अभ्यास कसा करावा. अशा विविध गोष्टींचे मार्गदर्शन या शिबीरातून विद्यार्थ्यांना होत आहे. Mentoring Camp at Velaneshwar School
सह्याद्रि शिक्षण संस्था संचलित न्यू इंग्लिश स्कूल वेळणेश्वर या विद्यालयात सोमवार दिनांक २४/०४/२०२३ पासून इ.१० वी उन्हाळी पूर्वतयारी उद्बोधन वर्ग मार्गदर्शन शिबिर सुरू झाले. २९/०४/२०२३ ला या शिबीराचा समोरोप होणार आहे. शिबीराचे उद्‌घाटन साथ साथ चॅरीटेबल ट्रस्टचे विश्र्वस्त शरद जोशी, शशिकांत जोशी, शालेय समितीचे चेअरमन पोसकर सर व विद्यालयाचे मुख्याध्यापक शिंदे सर यांच्या उपस्थित झाले. यावेळी मार्गदर्शक सौ. गौरी नातू यांचे सौ. पौसकर मॅडम यांनी शाल, श्रीफळ व गुच्छ देवून स्वागत केले. प्रास्ताविकातून लादे सर यांनी उपस्थित मान्यवरांचा परिचय करून दिला. Mentoring Camp at Velaneshwar School
मनोगत व्यक्त करताना शरद जोशी म्हणाले की, साथ साथ चॅरिटेबल ट्रस्ट,वेळणेश्वरच्या माध्यमातून सामाजिक बांधिलकी डोळ्यासमोर ठेवून अनेक उपक्रम राबविले जातात. वेळणेश्र्वरमधील महिलांना स्वयंरोजागारासाठी प्रशिक्षणही दिले जाते. पर्यावरण रक्षण विषयातही ट्रस्ट काम करत आहे. विविध शैक्षणिक उपक्रमही घेतले आहेत. दहावीच्या विद्यार्थ्यांचा बोर्डाच्या परीक्षेकडे बघण्याचा दृष्टीकोन बदलावा. भविष्यातही त्याचा फायदा विद्यार्थ्यांना व्हावा. यासाठी उन्हाळी सुट्टीदरम्यान आम्ही या शिबीराचे आयोजन केले आहे. Mentoring Camp at Velaneshwar School
शिबीराच्या मार्गदर्शक अॅडव्होकेट सौ. गौरी नातू यांनी शिबिराची रूपरेषा सांगितली. विद्यार्थ्यांना आनंददायी शिक्षणातून शैक्षणिक क्षेत्रात कार्यरत असलेल्या तज्ञ मार्गदर्शकांनी तयार केलेल्या शैक्षणिक व्हिडिओ क्लिप प्रोजेक्टरच्या माध्यमातून दाखवून, विविध शैक्षणिक उपक्रम कशाप्रकारे राबविले जातात याची माहिती दिली. शालेय समितीचे चेअरमन पोसकर सर यांनी हे शिबीर म्हणजे विद्यार्थ्यांसाठी पुढील करिअरच्या निवडीसाठी सुवर्णसंधी आहे. स्पर्धा परीक्षेचा अभ्यास कसा करावा हे देखील यातून विद्यार्थ्यांना कळेल. विद्यार्थ्यांची गुणवत्ता वाढेल. अशी अपेक्षा व्यक्त केली. यावेळी कु. स्वरा नातू व कु. आरोही जगदाळे, शिक्षक शिंदे डी.जी, पाटील सर उपस्थित होते.आभार प्रदर्शन जेष्ठ शिक्षक मांजरे सर यांनी केले. Mentoring Camp at Velaneshwar School
