नवरात्रोत्सवासंदर्भात शृंगारतळी येथे प्रतिनिधींची बैठक

पोलीस निरीक्षकांकडून कायद्याचे पालन करण्याच्या सूचना

गुहागर, ता. 08 : गणेशोत्सव संपल्यानंतर आता खऱ्या अर्थाने वेध लागले आहेत ते काही दिवसांनी येणाऱ्या नवरात्र उत्सवाचे. दि. ११ आँक्टोबरपासून नवरात्र उत्सवाला प्रारंभ होत आहे. या पार्श्वभूमीवर नवरात्रोत्सवासंदर्भात पोलीस यंत्रणेकडून शृंगारतळी येथील पाटपन्हाळे ग्रामपंचायतीच्या छत्रपती शिवाजी महाराज सभागृहात बैठक लावण्यात आली होती. यावेळी पोलीस यंत्रणेकडून कायद्याचे पालन करण्याचे आदेश देण्यात आले. Meeting regarding the Navratri festival

तालुक्यातील ३५ नवरात्र उत्सव मंडळांना या ठिकाणी बोलवून शासनाने दिलेल्या नियम व अटी यांचे पालन करा असे आदेश दिले आहेत. नवरात्र उत्सवाला कोठेही गालबोट लागता कामा नये, देवीवर असलेले सोन्याचे दागिने सुरक्षित कसे राहतील यासाठी सर्व नागरिकांनी जागरुक रहा, विसर्जन वेळी छोट्या हातगाड्यांचा वापर करावा, कोणताही अनुचित प्रकार घडणार नाही याची दक्षता घ्यावी, असे आदेश गुहागर पोलिस निरीक्षक अश्वनाथ खेडकर यांनी सर्व मंडळांना दिले. Meeting regarding the Navratri festival

या सभेला तालुक्याच्या नवरात्र उत्सव मंडळाचे अध्यक्ष उमेश शिंदे यांनी उपस्थित पोलीस यंत्रणेला सांगितले कि, कोणत्याही मंडळाकडून कोणताही अनुचित प्रकार घडणार नाही याची काळजी आम्ही घेऊ मात्र दिलेल्या वेळेपेक्षा काही वेळ जास्त झाल्यास त्वरित कारवाई करू नका आम्ही त्या मंडळास समज देवू असे म्हणाले. यावेळी उत्सव मंडळाचे उपाध्यक्ष बापू कोळवणकर, महेश कोळवणकर, पोलीस पाटील विशाल बेलवलकर, दिनेश चव्हाण यांसह तालुक्यातील प्रत्येक मंडळाचे प्रतिनिधी उपस्थित होते. Meeting regarding the Navratri festival