गुहागर, ता. 16 : तालुक्यातील दिवंगत शिवराम पांडुरंग जाधव वाचनालय कुडली यांच्यातर्फे आयोजित करण्यात आलेल्या कुडली गावस्तरीय बाल चित्रकला स्पर्धेत माटलवाडी शाळेतील विद्यार्थ्यांनी सुयश संपादन केले. Matalwadi School’s success in painting competition
मुंबई स्थित कुडली गावचे ग्रामस्थ आनंद शिवराम जाधव यांच्यातर्फे आयोजित करण्यात आलेल्या या स्पर्धेत छोट्या गटात प्रथम क्रमांक आरोषी अरुण थोरसे, द्वितीय क्रमांक सृष्टी योगेश निवाते, तृतीय क्रमांक सार्थकी प्रदीप माटल तर मोठ्या गटात प्रथम क्रमांक वैदेही रवींद्र ठोंबरे, द्वितीय क्रमांक आर्यन जानू माटल, तृतीय क्रमांक अनुष्का विश्वास थोरसे व उत्तेजनार्थ साधना महादेव माटल या विद्यार्थ्यांनी सुयश संपादन केले. Matalwadi School’s success in painting competition
ग्रामपंचायत कुडलीच्या सरपंच चैतनी शेट्ये, गुहागर पोलीस उपनिरीक्षक पवन कांबळे, शिक्षण विस्तार अधिकारी गणपत पांचाळ, कोल्हापूर येथील सामाजिक कार्यकर्त्या डॉ. अस्मिता दिघे, शाळा व्यवस्थापन समिती कुडली नंबर ४ अध्यक्षा रेखा जाधव, ग्रामपंचायत सदस्या निकिता जाधव यांच्या हस्ते या विद्यार्थ्यांना पारितोषिके देण्यात आली. Matalwadi School’s success in painting competition
यावेळी उपस्थित गुहागर पोलीस उपनिरीक्षक पवन कांबळे यांनी आपल्या जिल्हा परिषद शाळेतील बालपणीचे अनुभव सांगताना विद्यार्थ्यांमध्ये विविध स्पर्धांविषयी प्रेरणा निर्माण केली. शिक्षण विस्तार अधिकारी गणपत पांचाळ यांनीही आपण शेजारील गावचे सुपुत्र असल्याचे व आपण शिक्षणामुळे इथपर्यंत कसे पोहोचलो हे विद्यार्थ्यांना सांगितले. Matalwadi School’s success in painting competition
यावेळी कुडली शाळेचे मुख्याध्यापक प्रमोद साळवी, सुहास गायकवाड प्रदीप राठोड माधवी पाटील, शिक्षिका प्रमोदिनी गायकवाड, संदेश सावंत, गणेश वायचाळ, अशोक मलमे, हिरामण डुकरे, अजित पाटील इत्यादी शिक्षक व परिसरातील सर्व ग्रामस्थ उपस्थित होते. गावामध्ये विद्यार्थ्यांसाठी अत्यंत स्तुत्य उपक्रम प्रतिवर्षी राबवित असल्याबद्दल सरपंच चैतनी शेट्ये यांनी आनंद शिवराम जाधव यांना गावाच्या वतीने धन्यवाद दिले. Matalwadi School’s success in painting competition
