गुहागर, ता.03 : तालुक्यातील पाटपन्हाळे एज्युकेशन सोसायटी संचलित न्यू इंग्लिश स्कूल व कनिष्ठ महाविद्यालय पाटपन्हाळे विद्यालयात पर्यवेक्षक जी.डी. नेरले यांच्या अध्यक्षतेत मराठी भाषा गौरव दिन नुकताच उत्साहात संपन्न झाला. ज्येष्ठ साहित्यिक कवीवर्य कुसुमाग्रज यांच्या प्रतिमेचे पूजन कार्यक्रमाध्यक्ष विद्यालयाचे पर्यवेक्षक जी. डी. नेरले यांच्या हस्ते करून अभिवादन करण्यात आले. Marathi Language Pride Day at Patpanhale School
यावेळी सांस्कृतिक विभाग प्रमुख सौ. एस.एस. चव्हाण, प्रा. सौ. एम. एस. जाधव, प्रा. एस. एस. मोरे उपस्थित होते. मान्यवरांचा व विद्यार्थी प्रतिनिधी यांचे सांस्कृतिक विभागातर्फे पुष्पगुच्छ देऊन स्वागत करण्यात आले. कु. समृद्धी आंबेकर, मृण्मयी जाधव, मानसी पालकर, मैथिली कदम, संजना चव्हाण या विद्यार्थिनींनी मराठी भाषा, कवीवर्य कुसुमाग्रजांचा जीवन परिचय व साहित्य क्षेत्रामधील कार्य, मराठी भाषेचे महत्व आदी मुद्द्यांनुसार मनोगत व्यक्त केले. Marathi Language Pride Day at Patpanhale School
मार्गदर्शक प्रा. सौ.एम. एस. जाधव यांनी जेष्ठ साहित्यिक कविवर्य कुसुमाग्रज यांचे साहित्य क्षेत्रामधील कार्य, मराठी वाड्मयाची ओळख, मराठी भाषेचे महत्व, प्रा.एस. एस.मोरे यांनी मराठी भाषा गौरव दिन साजरा करण्याचा उद्देश, कवीवर्य कुसुमाग्रज यांचे मराठी भाषेला लाभलेले योगदान, वाचनाचे महत्त्व व वाचनाची सवय तसेच कार्यक्रमाध्यक्ष व पर्यवेक्षक प्रा. जी. डी.नेरले यांनी मातृभाषेचे महत्व, मराठी साहित्य संमेलनाचे महत्व, ज्येष्ठ साहित्यिक कुसुमाग्रज यांचे साहित्य क्षेत्रामधील योगदान यावर मार्गदर्शन केले. सदरच्या कार्यक्रमाचे प्रास्ताविक, सूत्रसंचालन व आभार प्रदर्शन माध्यमिक विभागाच्या सांस्कृतिक विभाग प्रमुख सौ. एस. एस. चव्हाण यांनी केले. Marathi Language Pride Day at Patpanhale School
